ବିଶ୍ଵ ପ୍ରସିଦ୍ଧ ବାଲିଯାତ୍ରା ପର୍ବରେ ସାମିଲ ହୋଇଛନ୍ତି ମହାମହିମ ରାଷ୍ଟ୍ରପତି ।
ଆରମ୍ଭ ହୋଇଯାଇଛି ବିଶ୍ଵ ପ୍ରସିଦ୍ଧ ବାଲିଯାତ୍ରା । ଏହି ପର୍ବରେ ସାମିଲ ହୋଇଛନ୍ତି ମହାମହିମ ରାଷ୍ଟ୍ରପତି । ଗତକାଲି ଓଡ଼ିଶାରେ ପହଞ୍ଚିଥିଲେ ମହାମହିମ । ଆଜି ବାଲିଯାତ୍ରା ପାଇଁ ପାରାଦୀପ ପହଞ୍ଚିଛନ୍ତି ରାଷ୍ଟ୍ରପତି । ରାଷ୍ଟ୍ରପତିଙ୍କ ଆଗମନ ପାଇଁ ଚଳଚଂଚଳ ହୋଇପଡିଛି ପାରାଦୀପ ବନ୍ଦର । ମହାମହିମ ବୋଇତ ବନ୍ଦାଣ ଉତ୍ସବରେ ସାମିଲ ହୋଇ ପତାକା ଦେଖାଇ ବୋଇତର ଶୁଭାରମ୍ଭ କରିଛନ୍ତି । ଆଉ ଏହି ଉତ୍ସବରେ ସାମିଲ ହୋଇଛନ୍ତି ରାଜ୍ୟପାଳ ରଘୁବର ଦାସ ।
ପାରାଦୀପରେ ମହାମହିମ ପହଞ୍ଚି ସାରିବା ପରେ ଗାଡ଼ିରୁ ଓହ୍ଲାଇ ପାଦରେ ଚାଲି ଚାଲି ଆସିଥିଲେ । ମହାମହିମଙ୍କ ସ୍ୱାଗତ ପାଇଁ ଅପେକ୍ଷା କରିଥିବା କୁନି ପିଲାଙ୍କୁ ଚକୋଲେଟ୍ ଦେବା ସହିତ ବରିଷ୍ଠ ଲୋକଙ୍କୁ ଅଭାବାଦନ ଜଣାଇଥିଲେ ମହାମହିମ । ପାରାଦୀପରେ ଆୟୋଜିତ ହୋଇଥିବା ବିଭିନ୍ନ କାର୍ଯ୍ୟକ୍ରମରେ ମହାମହିମ ଯୋଗ ଦେବା ସହିତ ମତ୍ସ୍ୟଜୀବୀଙ୍କୁ ଭେଟିବେ ବୋଲି ସୂଚନା ମିଳିଛି ।
