ପତ୍ନୀଙ୍କ ସହିତ ପଟ୍ଟଚିତ୍ର ଗ୍ରାମ ରଘୁରାଜପୁର ପରିଭ୍ରମଣ କଲେ ସିଙ୍ଗାପୁରର ରାଷ୍ଟ୍ରପତି
ରଘୁରାଜପୁର ପରିଦର୍ଶନରେ ଶନିବାର ସିଙ୍ଗାପୁରର ରାଷ୍ଟ୍ରପତି ଆସିଥିଲେ। ରାଷ୍ଟ୍ରପତି ଥର୍ମନ ଶନମୁଗରତ୍ନମ ନିଜ ପତ୍ନୀଙ୍କ ସହିତ ପଟ୍ଟଚିତ୍ର ଗ୍ରାମରେ ପରିଭ୍ରମଣ କରିଥିଲେ। ପଟ୍ଟଚିତ୍ର ଗ୍ରାମରେ ପଟ୍ଟଚିତ୍ର ଡେମୋ ଦେଖିବା ସହିତ ଲୋକଙ୍କ ସହିତ ଆଲୋଚନା କରିଥିଲେ । ଏହା ପରେ ସଂଗ୍ରହାଳୟ ସହିତ ପ୍ରଦର୍ଶନୀ ପଡିଆରେ ବୁଲି ପଟ୍ଟଚିତ୍ର ଦେଖିଥିଲେ। ଏହା ପରେ ବିଶ୍ୱ ପ୍ରସିଦ୍ଧ କୋଣାର୍କ ମନ୍ଦିର ପରିଦର୍ଶନ କରିବାର କାର୍ଯ୍ୟକ୍ରମ ମଧ୍ୟ ରହିଛି ।ସୂଚନାଯୋଗ୍ୟ ସିଙ୍ଗାପୁର ରାଷ୍ଟ୍ରପତି ଦୁଇ ଦିନିଆ ଗସ୍ତରେ ଓଡିଶା ଆସିଛନ୍ତି। ସିଙ୍ଗାପୁର ରାଷ୍ଟ୍ରପତି ଥର୍ମନ ସନମୁଗରତ୍ନମଙ୍କ ସହିତ ରାଜ୍ୟ ସରକାରଙ୍କ ଚୁକ୍ତି ସ୍ୱାକ୍ଷରିତ ହୋଇଛି । ଇଣ୍ଡଷ୍ଟ୍ରିଆଲ୍ ପାର୍କ, ପାରାଦ୍ୱୀପ ଗ୍ରୀନ ହାଇଡ୍ରୋଜେନ୍ କରିଡର୍, ପେଟ୍ରୋ କେମିକାଲ, ନ୍ୟୁ ସିଟି ପ୍ଲାନ୍, ନ୍ୟୁ ଏନର୍ଜି, ଫ୍ଲିଣ୍ଟେକ୍, ସ୍କିଲିଂ ଅଫ୍ ଫ୍ୟୁଚର୍ ଓ ସେମି କଣ୍ଡକ୍ଟର୍ ପ୍ରକଳ୍ପରେ ବୁଝାମଣା ପତ୍ର ଆଦି ସ୍ୱାକ୍ଷରିତ ହୋଇଛି।
