ରବିବାରଠୁ ରାଜ୍ୟରେ ବଢିବ ବର୍ଷା
ଭୁବନେଶ୍ୱର : ଶନିବାରଠୁ ରାଜ୍ୟରେ ବଢିବ ବର୍ଷା । ବିସ୍ତୃତ ସ୍ଥାନରେ ବର୍ଷା ହୋଇପାରେ । ଏନେଇ ପାଣିପାଗ ବିଭାଗ ପୂର୍ବାନୁମାନ କରିଛି । ବାଲେଶ୍ବର ଉପରେ ଏବଂ ମୌସୁମୀର ନିମ୍ନ ଚାପରେଖା ରହିଛି । ଏହାର ପ୍ରଭାବରେ ରାଜ୍ୟରେ ବର୍ଷା ହେବ । ୮ ତାରିଖରେ ଆଭ୍ୟନ୍ତରୀଣ ଓଡ଼ିଶା ସମେତ ଉତ୍ତର ଏବଂ ଦକ୍ଷିଣ ଓଡିଶାରେ ଭଲ ବର୍ଷା ହେବ ।
ସେହିଭଳି ୯ ତାରିଖରେ ଉପକୂଳ ଏବଂ ଉତ୍ତର ଓଡ଼ିଶାରେ ବର୍ଷା ହେବ । ୧୦ ଏବଂ ୧୧ ତାରିଖରେ ଓଡ଼ିଶାର ବିସ୍ତୃତ ଅଞ୍ଚଳରେ ପ୍ରବଳ ବର୍ଷା ସମ୍ଭାବନା ରହିଛି । ଆସନ୍ତ ୧୦ ତାରିଖରେ ବଙ୍ଗୋପସାଗରରେ ଏକ ଘୂର୍ଣ୍ଣିବଳୟ ସୃଷ୍ଟି ହୋଇପାରେ । ଏହା ପ୍ରଭାବରେ ୧୨ ଏବଂ ୧୩ ତାରିଖରେ ରାଜ୍ୟରେ ଭଲ ବର୍ଷା ହେବ ।
ବିଳମ୍ବିତ ମୌସୁମୀ ପାଇଁ ରାଜ୍ୟରେ ଏପର୍ଯ୍ୟନ୍ତ ନିଅଣ୍ଟିଆ ବର୍ଷା ହୋଇଛି। ଗତ ୨ ଦିନର ବର୍ଷା କିଛି ପରିମାଣରେ ଭରଣା କରିଥିବା ସତ୍ତ୍ବେ ୨୫% ନିଅଣ୍ଟିଆ ବର୍ଷା ସ୍ଥିତି ଏବେ ବି ଜାରି ରହିଛି। ଆସନ୍ତା ୧୧ ତାରିଖ ଯାଏ ଭଲ ବର୍ଷା ସମ୍ଭାବନା ଥିବାରୁ ଏହି ନିଅଣ୍ଟିଆ ସ୍ଥିତି କିଛି ମାତ୍ରାରେ ଭରଣା ହୋଇପାରିବ ବୋଲି ଆଶା କରାଯାଉଛି।
