ସାଂସଦ ନିତେଶ ଗଙ୍ଗଦେବ ନିଖୋଜ ଥିବା ଅନେକ ପୋଷ୍ଟର ଲାଗିଛି ରେଢ଼ାଖୋଲ ସହରରେ

ଭୁବନେଶ୍ୱର ସମ୍ବଲପୁର ସାଂସଦ ନିତେଶ ଗଙ୍ଗଦେବ ନିଖୋଜ ଥିବା ନେଇ ରେଢ଼ାଖୋଲ ସହରରେ ଅନେକ ପୋଷ୍ଟର ଲାଗିଛି । ତେଣୁ ଏହି ଘଟଣାଟି ଏବେ ଚାରିଆଡ଼େ ଚର୍ଚ୍ଚାର ବିଷୟର ପାଲଟିଛି । ତେବେ ସାଂସଦ ନିତେଶଙ୍କୁ ୪ ବର୍ଷ ହେଲା ରେଢ଼ାଖୋଲବାସୀ ସର୍ବସାଧାରଣ ସ୍ଥାନରେ ଦେଖିନାହାନ୍ତି ବୋଲି ଉକ୍ତ ପୋଷ୍ଟରରେ ଉଲ୍ଲେଖ ରହିଛି ।

ତେବେ ଏହି ପୋଷ୍ଟରକୁ ନେଇ ଏବେ ଚାରିଆଡ଼େ ଚର୍ଚ୍ଚା ଆରମ୍ଭ ହୋଇ ଯାଇଛି । କିଏ, କାହିଁକି ଓ କେଉଁ ଉଦ୍ଦେଶ୍ୟରେ ଏପରି କାରନାମା କରିଛି ସେନେଇ ଉଠିଛି ପ୍ରଶ୍ନ । ଏହି ପୋଷ୍ଟର ମରାଯିବା ଘଟଣାକୁ ନେଇ ସାଂସଦଙ୍କ ପ୍ରତିନିଧି ରେଖାଖୋଲ ଥାନାରେ ଏକ ଲିଖିତ ଅଭିଯୋଗ ଦାଖଲ କରିଛନ୍ତି । ସାଂସଦ ଓ ବିଜେପି ଦଳକୁ ବଦନାମ କରିବା ପାଇଁ କୌଣସି ଅସାମାଜିକ ଗୋଷ୍ଠୀ ଏପରି କରିଥିବା ସେ ଅଭିଯୋଗ କରିଛନ୍ତି ।