ଜୁ୍ନୋଟିକ ରୋଗ ପରୀକ୍ଷା ପାଇଁ ରାଜ୍ୟ ସରକାରଙ୍କ ମାଷ୍ଟରପ୍ଲାନ

ଜୁ୍ନୋଟିକ ରୋଗ ପରୀକ୍ଷା ପାଇଁ ରାଜ୍ୟ ସରକାରଙ୍କ ମାଷ୍ଟରପ୍ଲାନ । ରାଜ୍ୟର ୭ ସେଣ୍ଟିନେଲ ସାଇଟରେ ଖୋଲିବ ଲ୍ୟାବ । କୋରାପୁଟ ମେଡିକାଲ କଲେଜ, ବାରିପଦା ମେଡିକାଲ କଲେଜ ଓ ବଲାଙ୍ଗୀର ମେଡିକାଲ କଲେଜ ପ୍ରଥମ ପର୍ଯ୍ୟାୟରେ ଚିହ୍ନଟ ହୋଇଥିଲା ।କେନ୍ଦ୍ର ଲ୍ୟାବ ସଂଖ୍ୟା ବଢ଼ାଇକୁ କହିଥିବାରୁ ଆଉ ଚାରୋଟି ସେଣ୍ଟିନେଲ ସାଇଟ ଖୁବଶୀଘ୍ର ଚିହ୍ନଟ କରାଯିବ । ଏହି ଲ୍ୟାବରେ ଜେନମ ସିକ୍ୟୁଏନସିଂ କରାଯିବ । କୋଭିଡ ପରି ଅଜଣା ରୋଗର ଭୟ ଏଯାଏ ଯାଇନି । ପୁଣି ପଶୁରୁ ମଣିଷକୁ ବ୍ୟାପିପାରେ ରୋଗ । ଯେଉଁଥିପାଇଁ ଓ୍ବାନ ହେଲଥ କାର୍ଯ୍ୟକ୍ରମ ଜରିଆରେ ପ୍ରାକ ମୁକାବିଲା ଆକ୍ସନ ପ୍ଲାନ ପ୍ରସ୍ତୁତ କରାଯିବ ବୋଲି କହିଛନ୍ତି ଜନସ୍ବାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର ।

ସେପଟେ ରାଜ୍ୟ ସରକାରଙ୍କ ସ୍ୱାସ୍ଥ୍ୟରକ୍ଷା ରଣନୀତିକୁ କେନ୍ଦ୍ର ସରକାରଙ୍କ ଅଧୀନସ୍ଥ NCDC ପ୍ରଶଂସା କରିଛି । କୋଭିଡ ଆମ ସମସ୍ତଙ୍କୁ ସତର୍କ କରାଇ ଦେଇଛି । ମହାମାରୀ ଯେ କୌଣସି ସମୟରେ ବି ଆସି ପାରେ । ସେଥିପାଇଁ ଆଗୁଆ ପ୍ରସ୍ତୁତି ଆବଶ୍ୟକ । ପ୍ରାଣୀରୁ ମଣିଷକୁ ବ୍ୟାପୁଥିବା ରୋଗ ବା ଜୁ୍ନୋଟିକ, ଜଳବାୟୁ ପରିବର୍ତ୍ତନ ଏହାର କାରଣ ହୋଇପାରେ । ହେଲେ ଏହାର ନିରାକରଣ ପାଇଁ ୱାନ ହେଲଥ ରଣନୀତି ଜରୁରୀ ବୋଲି କହିଛି ଏନସିଡିସି ।

ୱାନ ହେଲଥ ରଣନୀତିରେ ପୂର୍ବରୁ ସର୍ଭେଲାନ୍ସ କରି ହେବ । ଏ ଦିଗରେ ଓଡ଼ିଶା ସରକାର ବହୁ ଭଲ ପଦକ୍ଷେପ ନେଇଛନ୍ତି । ଖୁବ ଶୀଘ୍ର ଓଡ଼ିଶା ସରାକରଙ୍କ ସହ ମିଶି କେନ୍ଦ୍ର ସ୍ୱାସ୍ଥ୍ୟ ବିଭାଗ ୱାନ ହେଲଥ ଆକ୍ସନ ପ୍ଲାନ ପ୍ରସ୍ତୁତ କରିଵ ବୋଲି କହିଛନ୍ତି ଏନସିଡିସି ଯୁଗ୍ମ ନିର୍ଦ୍ଦେଶକ ଡାକ୍ତର ସିମି ତିୱାରୀ ।