୫ଦିନରେ ରାଜ୍ୟରେ ବଢିବ ତାପମାତ୍ରା

ଭୁବନେଶ୍ୱର: ବଢୁଛି ତାତି । ଆଗକୁ ତାତି ଆହୁରି ବଢିବ । ଏ ନେଇ ପାଣିପାଗ ବିଭାଗ କରିଛି ପୂର୍ବାନୁମାନ । ଆସନ୍ତା ୫ ଦିନ ପରେ ରାଜ୍ୟର ତାତି ଆହୁରି ବଢିବାର ସମ୍ଭାବନା ରହିଛି ବୋଲି ପାଣିପାଗ ବିଭାଗ ଚେତାବନୀ ଦେଇଛି ।

ଏବେଠାରୁ ଅସହ୍ୟ ହେଲାଣି ଖରା । କିଛି ସ୍ଥାନରେ ତାପମାତ୍ରା ୩୮ ଡିଗ୍ରୀ ଟପିଲାଣି । ମାଲକାନଗିରିରେ ସର୍ବାଧିକ ତାପମାତ୍ରା ୩୮ ଡିଗ୍ରୀ ଟପିଥିବା ଜଣାଯାଇଛି । ସେହିପରି ରାତି ତାପମାତ୍ରା ରାଉରକେଲାରେ ସର୍ବନିମ୍ନ ଥିଲା । ଏପରି ସ୍ଥିତି ଆଉ ୪/୫ ଦିନ ଲାଗି ରହିବ । ହେଲେ ତା ପରେ ତାତି ବଢିବ । ୫ ଦିନ ପରେ ଦିନର ତାପମାତ୍ରା ସାଧାରଣ ତାପମାତ୍ରାଠାରୁ ୨ରୁ  ୪ ଡିଗ୍ରୀ ପର୍ଯ୍ୟନ୍ତ ଅଧିକ ରହିବ ବୋଲି ଚେତାବନୀ ଦେଇଛି ପାଣିପାଗ ବିଭାଗ ।