ସୋମବାରରେ ହଜାର ହଜାର କାଉଡିଆଙ୍କ ଭିଡ
ଆରଡି: ଯୋଡା ଶ୍ରାବଣ ମାସର ଚତୁର୍ଥ ସୋମବାର । ଆଖଣ୍ଡଳମଣିଙ୍କୁ ଜଳଲାଗି ପାଇଁ ହଜାର ହଜାର କାଉଡିଆ ଭକ୍ତଙ୍କ ଭିଡ । ଜଳପଥରେ ଭକ୍ତଙ୍କ ସୁରକ୍ଷିତ ନଦୀପାର ପାଇଁ ଓଡ୍ରାଫ ଟିମ୍ ସହ ଅଗ୍ନିଶମ ବାହିନୀ ଓ ପୋଲିସ ମୁତୟନ ହୋଇଛନ୍ତି । ଶୃଙ୍ଖଳିତ ଜଳାଭିଷେକ ପାଇଁ ମନ୍ଦିର ଭିତରେ ଓ ବାହାରେ ସ୍ବତନ୍ତ୍ର ବ୍ୟବସ୍ଥା ହୋଇଛି ।
ସେହିପରି ଚଳ ଚଞ୍ଚଳ ଉତ୍ତର ଓଡ଼ିଶାର ପ୍ରସିଦ୍ଧ ଶୈବପୀଠ ବାବା ପଞ୍ଚଲିଙ୍ଗେଶ୍ଵର । ପଞ୍ଚଲିଙ୍ଗେଶ୍ଵର ଛକ ନିକଟରୁ ପୀଠ ପର୍ୟ୍ୟନ୍ତ ଲାଗିରହିଛି କାଉଡ଼ିଆଙ୍କ ଭିଡ଼ । ପୀଠରେ ହଜାର ହଜାର ଭକ୍ତଙ୍କ ସମାଗମ । ରାତି ୧୨ ଟାରୁ ମହାଦେବଙ୍କ ଉପରେ ଚାଲିଛି ଜଳାଭିଷେକ । ଶାନ୍ତି ଶୃଂଖଳାର ସହ କିପରି ଭକ୍ତ ବାବାଙ୍କୁ ଦର୍ଶନ କରିବେ ଓ ଜଳାଭିଶେକ କରିବେ ସେଥିପାଇଁ ବ୍ୟବସ୍ଥା ହୋଇଛି ।
