ପ୍ରତିଟି ଓଡ଼ିଆ ଆଜି ପାଳୁଛନ୍ତି ପଖାଳ ଦିବସ
ଆଜି ପ୍ରତିଟି ଓଡ଼ିଆଙ୍କ ପ୍ରିୟ ପଖାଳ ଦିବସ। ସବୁଠି ପଖାଳର ପ୍ରଶଂସା । ପୁରପଲ୍ଲୀ ଆଜି ମହକିବ ପଖାଳର ସହ ସହ ବାସ୍ନାରେ। ଓଡିଆଙ୍କ ହାଣ୍ଡିଶାଳ ହେଉ କିମ୍ବା ହୋଟେଲ ସବୁଠି ଏବେ ପଖାଳ ର ଚାହିଦା ଅଧିକ। ପଖାଳ ଦିବସ କୌଣସି ପୁରାଣ ବା ଇତିହାସରେ ନଥିଲେ ମଧ୍ୟ ଆନୁଷ୍ଠାନିକ ଭାବେ ୨୦୧୧ ମସିହାରୁ ଏହାକୁ ଅତି ଆଡମ୍ବର ସହକାରେ ପାଳନ କରାଯାଉଛି। ଓଡିଆ ମାନଙ୍କର ପଖାଳ ପ୍ରତି ରହିଥିବା ଆଗ୍ରହ ଏହି ଦିବସର ମହତ୍ଵକୁ ସମୟକ୍ରମେ ବଢାଇ ଦେଏଳା। ପଖାଳ ର ଲୋକପ୍ରିୟତାକୁ ଦେଖି ତାରକା ହୋଟେଲ ଗୁଡିକ ମଧ୍ୟ ବ୍ୟବସାୟିକ ଦୃଷ୍ଟି ରଖି ଏହି ଦିବସକୁ ପାଳନ କରୁଛନ୍ତି। ତାରକା ହୋଟେଲରେ କଂସାବେଲାରେ ପଖାଳ ସହିତ ଶୁଖୁଆ ପୋଡା , ବଡିଚୁରା, ଆଳୁ ଭର୍ତ୍ତା, ବାଇଗଡ ପୋଡା ଆଦି ଗ୍ରାହକଙ୍କୁ ପରସାଯାଏ। କେବଳ ଓଡ଼ିଶାରେ ରହୁଥିବା ଓଡ଼ିଆ ନୁହଁନ୍ତି ବରଂ ରାଜ୍ୟ ତଥା ଦେଶ ବାହାରେ ରହୁଥିବା ପ୍ରତ୍ୟେକ ଓଡ଼ିଆ ଏହି ଦିନ ପଖାଳ ଖାଇବାକୁ କେବେ ଭୁଲନ୍ତି ନାହିଁ । ସୋସିଆଲ ମିଡିଆରେ ବି ଟ୍ରେଣ୍ଡ କରୁଛି ପଖାଳ ଦିବସ । ସେଲିବ୍ରିଟିଙ୍କଠୁ ଆରମ୍ଭ କରି ରାଜନେତା ଆଜି ଖାଉଛନ୍ତି ପଖାଳ । ପରେ ପରେ ସୋସିଆଲ ମିଡିଆରେ ପୋଷ୍ଟ କରୁଛନ୍ତି ଫଟୋ ।
