ଆଜି କାର୍ତ୍ତିକ ମାସର ଶୁକ୍ଲପକ୍ଷ ତ୍ରୟୋଦଶୀ ତ୍ରିବିକ୍ରମ ବେଶରେ ଦର୍ଶନ ଦେଉଛନ୍ତି ମହାପ୍ରଭୁ

ଆଜି ଶ୍ରୀ ମନ୍ଦିରରେ ରତ୍ନସିଂହାସନ ଉପରେ ଶ୍ରୀ ଜୀଉଙ୍କୁ ଦେଖିବା ପାଇଁ ଭକ୍ତଙ୍କ ପ୍ରବଳରୁ ଅତି ପ୍ରବଳ ଭିଡ଼ ଲାଗିଛି । ଆଜି କାର୍ତ୍ତିକ ମାସର ଶୁକ୍ଲପକ୍ଷ ତ୍ରୟୋଦଶୀ ତିଥି ହୋଇଥିବାରୁ ମହାପ୍ରଭୁ ତ୍ରିବିକ୍ରମ ବେଶ ହୋଇଥାନ୍ତି । ମହାପ୍ରଭୁଙ୍କ ଅବକାଶ ନୀତିପରେ ଏହି ବେଶ ଅନୁଷ୍ଠିତ ହେବ ବୋଲି ସୂଚନା । ରତ୍ନସିଂହାସନରେ ସୁବର୍ଣ୍ଣ ଅଳଙ୍କାରରେ ବିଭୂଷିତ ହୋଇଛନ୍ତି ମହାପ୍ରଭୁ ଜଗନ୍ନାଥ, ପ୍ରଭୁ ବଳଭଦ୍ର ଓ ମା’ ସୁଭଦ୍ରା । କାର୍ତ୍ତିକ ମାସର ପଞ୍ଚୁକ ଦିନରେ ମହାପ୍ରଭୁଙ୍କୁ ଦର୍ଶନ କଲେ ଅନେକ ପୁଣ୍ୟଫଳ ମିଳିଥାଏ । ସେଥିପାଇଁ ଶ୍ରୀ ମନ୍ଦିରରେ ଭକ୍ତଙ୍କ ସମାଗମ ଦେଖିବାକୁ ମିଳିଛି । ଭକ୍ତଙ୍କ ଭିଡ଼କୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ସମସ୍ତ ସୁବିଧା ସୁଯୋଗକୁ କଡାକଡି କରାଯାଇଛି ।