ରାଉରକେଲାରେ ମାଲବାହୀ ଟ୍ରେନ୍ ଲାଇନଚ୍ୟୁତ
ରାଉରକେଲା: ମାଲବାହୀ ଟ୍ରେନ୍ ଲାଇନଚ୍ୟୁତ । ରାଉରକେଲା ଇସ୍ପାତ କାରଖାନାକୁ ଉତ୍ପାଦିତ ଷ୍ଟିଲ୍ ନେବାକୁ ଆସୁଥିବା ବେଳେ ମାଲ୍ବାହୀ ଟ୍ରେନ୍ଟି ଲାଇନଚ୍ୟୁତ ହୋଇଛି । ଯାହାଫଳରେ ଟ୍ରେନ୍ର ୩ଟି ବଗି ଟ୍ରାକ୍ରୁ ଖସିଯାଇଛି ।
ଖବର ଅନୁଯାୟୀ, ରାଉରକେଲା ଇସ୍ପାତ କାରଖାନାରେ ଉତ୍ପାଦିତ ଷ୍ଟିଲକୁ ଅନ୍ୟ ରାଜ୍ୟକୁ ନେବା ଲାଗି ଏକ ମାଲବାହୀ ଟ୍ରେନ କାରଖାନାର ଟିଆରଏମ ବିଭାଗକୁ ଆସୁଥିଲା । ଏହି ସମୟରେ ବନ୍ଧମୁଣ୍ଡା ୟାର୍ଡ଼ ନିକଟରେ ମାଲବାହୀ ଟ୍ରେନର ୩ଟି ବଗି ଲାଇନଚ୍ୟୁତ ହୋଇଛି । ଠିକ ଭାବେ କେପିଙ୍ଗ କରାଯାଇନଥିବାରୁ ଏହିଭଳି ଦୁର୍ଘଟଣା ଘଟିଥିବା ଅନୁମାନ କରାଯାଉଛି ।
ତେବେ ଏହି ଦୁର୍ଘଟଣା ପରେ ରେଳ ବିଭାଗର ବରିଷ୍ଠ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ଲାଇନଚ୍ୟୁତ ହୋଇଥିବା ବଗିଗୁଡିକୁ ଧାରଣାରୁ ହଟାଇବା ପ୍ରୟାସ ଜାରି ରଖିଛନ୍ତି । ଏବେ ସୁଦ୍ଧା କାହାର କିଛି କ୍ଷତି ହୋଇନଥିବା ଜଣାପଡିଛି । ରେଲଓ୍ୱ ପକ୍ଷରୁ ଘଟଣାର ତଦନ୍ତ ନିର୍ଦ୍ଦେଶ ଦିଆଯାଇଛି ।
