ଗିରଫ ହେଲା ୟୁଟ୍ୟୁବର ଅନଟାଲେଣ୍ଟେଡ୍ ଗାୟ
ସୋସିଆଲ ମିଡିଆ କମେଣ୍ଟ ପାଇଁ ଫୁଟିଲା ଗୁଳି। ଅନଟାଲେଣ୍ଟେଡ୍ ଗାୟ ଉଦୀତ୍ କୁ ବାଲେଶ୍ବର ପୁଲିସ ଗିରଫ କରିଛି । ଗତ ୨୪ ତାରିଖ ଅପରାହ୍ନରେ ରେମୁଣା ଗୋଲେଇ ନିକଟରେ ହୋଇଥିବା ଗୁଳିମାଡ଼ ଓ ଜଣେ ଗୁରୁତର ହେବା ଘଟଣାରେ ଆଜି ପୋଲିସ ୬ ଜଣଙ୍କୁ ଗିରଫ କରିଛି । ସେମାନଙ୍କ ନିକଟରୁ ଗୋଟେ ବନ୍ଧୁକ, ଗୁଳି, ବାଇକ, ସ୍କୁଟି ଓ ୭ଟି ମୋବାଇଲ ଜବତ ହୋଇଛି ।
ସୂଚନା ଅନୁସାରେ, ସୋସିଆଲ ମିଡିଆରେ ଅନଟାଲେଣ୍ଟେଡ୍ ଗାୟ ନାମକ ଏକ ଚ୍ୟାନେଲ କରିଥିବା ଜଣେ ଯୁବକଙ୍କ କୌଣସି କଥାରେ କମେଣ୍ଟକୁ ନେଇ ମନ୍ଦାପରପୁର ଅଞ୍ଚଳର ଦୁଇ ଯୁବକଙ୍କ ସହ କଥା କଟାକଟି ହୋଇଥିଲା । ତେବେ ଗତ ୨୪ ତାରିଖରେ ପିଙ୍କୁ ଓ ଅମିତକୁ ଅଭିଯୁକ୍ତମାନେ ରେମୁଣା ଗୋଲେଇ ନିକଟକୁ ଡାକିଥିଲେ। ଉଭୟଙ୍କ ମଧ୍ୟରେ ବଚସା ଓ ଝଗଡା ହେବାପରେ ପିଙ୍କୁ ଓ ଅମିତଙ୍କୁ ଅପରପକ୍ଷର ଯୁବକମାନେ ମାରଣାସ୍ତ୍ରରେ ଆକ୍ରମଣ କରିବା ସହ ଗୁଳି ଚାଳନା କରିଥିଲେ। ଏଥିରେ ପିଙ୍କୁ ଓ ଅମିତ ଦୁଇଜଣ ଗୁରୁତର ହୋଇଥିଲେ ।
ଅଭିଯୁକ୍ତ ଉଦିତ ଅନ୍ ଟାଲେଣ୍ଟେଡ ଗାଏ ନାମକ ୟୁଟ୍ୟୁବ ଚାନେଲ ଖୋଲି ସେଥିରେ ଅଶ୍ଳିଳ ଭାଷାରେ ରୋଷ୍ଟିଂ ଭିଡିଓ ସେୟାର କରି ବିପୁଳ ଅର୍ଥ ଉପାର୍ଜନ କରୁଥିଲା। ସେ ପୂର୍ବରୁ ମଧ୍ୟ ସେ ଏକ ହତ୍ୟା ଘଟଣାରେ ଅଭିଯୁକ୍ତ ରହିଥିବା ପୋଲିସ କହିଛି। ସେହିପରି ଉଦିତର ବ୍ୟାଙ୍କ ଆକାଉଣ୍ଟକୁ ଫ୍ରିଜ୍ କରିବା ସହ ଅନ ଟାଲେଣ୍ଟଡ୍ ଗାଏ ୟୁଟୁବ ସାଇଟ୍ କୁ ବନ୍ଦ କରିବାକୁ ପୋଲିସ୍ ୟୁଟ୍ୟୁବକୁ ଚିଠି କରିଛି । ତେବେ ଏହି ଘଟଣାରେ ଅନ୍ୟ ସମସ୍ତ ଅଭିଯୁକ୍ତ ଙ୍କୁ ଖୁବ୍ ଶୀଘ୍ର ଗିରଫ କରାଯିବ ବୋଲି ବାଲେଶ୍ୱର ପୋଲିସ ସୂଚନା ଦେଇଛି।
