କୋହଲିଙ୍କ ‘ବିରାଟ’ ରେକର୍ଡ: ଟି-୨୦ କ୍ରିକେଟ୍ରେ ୪ହଜାର ରନ୍ ପୂରଣ
ଆଡିଲେଡ୍: ଟି-୨୦ କ୍ରିକେଟ୍ରେ କୋହଲିଙ୍କ ଆଉ ଏକ ବିରାଟ ରେକର୍ଡ । ଟି-୨୦ କ୍ରିକେଟ୍ରେ ସବୁଠାରୁ ଅଧିକ ରନ୍ କରିବାର ରେକର୍ଡକୁ ନିଜ ନାମରେ କରିଛନ୍ତି ଏହି ରେକର୍ଡ କିଙ୍ଗ । ବିରୋଟ ମୋଟ ୧୧୫ ଟି ଟି-୨୦ ମ୍ୟାଚ୍ ଖେଳି ୪୦୦୦ ରନ୍ ପୂରଣ କରିଛନ୍ତି । ଏପରି ରନ୍ କରିବାରେ ସେ ବିଶ୍ୱର ପ୍ରଥମ ବ୍ୟାଟସମ୍ୟାନ୍ ।
ଇଂଲଣ୍ଡ ବିପକ୍ଷ ସେମିଫାଇନାଲ୍ ମ୍ୟାଚ୍ରେ ବିରାଟ ଏହି ରେକର୍ଡ କରିବାରେ ସାମାର୍ଥ୍ୟ ହୋଇଛନ୍ତି । ବିରାଟ କୋହଲି ଏହି ମ୍ୟାଚ୍ରେ ଏକ ଦର୍ଶନୀୟ ଚୌକା ମାରି ଏହି ମାଇଲଖୁଣ୍ଟରେ ପହଞ୍ଚିଛନ୍ତି । ବିରାଟ କୋହଲି ମୋଟ ୧୧୪ଟି ମ୍ୟାଚ୍ ଖେଳି ୩୬ଟି ଅର୍ଦ୍ଦଶତକ ଓ ଗୋଟିଏ ଶତକ ହାସଲ କରିଛନ୍ତି । ୧୩୮ରନ୍ ଷ୍ଟ୍ରାଇକ୍ ରେଟ୍ରେ ବିରାଟ ରନ୍ କରିଛନ୍ତି ।
ସେହିପରି ବିରାଟ କୋହଲିଙ୍କ ପଛକୁ ଭାରତୀୟ ଟିମ୍ର ଅଧିନାୟକ ରୋହିତ ଶର୍ମା ରହିଛନ୍ତି । ସେ ୧୪୭ଟି ମ୍ୟାଚ୍ ଖେଳି ୩୮୨୬ ରନ୍ କରିଛନ୍ତି । ତାପରେ ମାର୍ଟିନ ଗୁପ୍ଟିଲ୍ ୧୨୨ଟି ମ୍ୟାଚ୍ ଖେଳି ୩୫୩୧ ରନ୍ କରିଛନ୍ତି ।
