ଜନ୍ତର ମନ୍ତରରେ ଧାରଣାରେ ବସିଲେ କୁସ୍ତିଯୋଦ୍ଧା
ନୂଆଦିଲ୍ଲୀ: ଅଲିମ୍ପିକ୍ସରେ ଦେଶର ଗୌରବ ବଢାଇଥିବା କୁସ୍ତିଯୋଦ୍ଧାମାନେ ଭାରତୀୟ ରେସଲିଂ ଫେଡେରେସନ୍(WFI) ବିରୋଧରେ ଏକ ମୋର୍ଚ୍ଚା ଖୋଲିଛନ୍ତି। ଜଣେ ନୁହେଁ, ଅନେକ କୁସ୍ତିଯୋଦ୍ଧା ଦିଲ୍ଲୀର ଜନ୍ତର ମନ୍ତରରେ ଏକାଠି ହୋଇ ରେସଲିଂ ଆସୋସିଏସନର ସଭାପତି ବ୍ରିଜ ଭୂଷଣ ଶରଣ ସିଂଙ୍କ ବିରୋଧରେ ବିରୋଧ କରୁଛନ୍ତି।
ଏଥିରେ ଅଲିମ୍ପିଆନ୍ ବଜରଙ୍ଗ ପୁନିଆ, ସାକ୍ଷୀ ମଲିକ୍, ବିନେଶ ଫୋଗେଟ୍ ଏବଂ ସରିତା ମୋର୍ ଭଳି ରେସଲର ସାମିଲ ରହିଛନ୍ତି । ଜନ୍ତର ମନ୍ତ୍ରରେ ବିରୋଧ କରିବା ବ୍ୟତୀତ ଏହି ଭେଟେରାନ ରେସଲରମାନେ ଟ୍ୱିଟରରେ ଆସୋସିଏସନର ସଭାପତିଙ୍କ ବିରୋଧରେ ଅଭିଯୋଗ ମଧ୍ୟ କରିଛନ୍ତି ।
କୁସ୍ତିଯୋଦ୍ଧାମାନେ ସେମାନଙ୍କର ଅଭିଯୋଗ କିମ୍ବା ଦାବି ଉପରେ ବର୍ଣ୍ଣନା କରିନାହାଁନ୍ତି । ଖେଳାଳିମାନେ ଟ୍ୱିଟରରେ ବଏକଟ୍ ଡବ୍ଲୁଏଫ୍ଆଇ ସଭାପତିଙ୍କ ବିରୋଧରେ ଟ୍ରେଣ୍ଡ ଚଳାଉଛନ୍ତି । ସେମାନେ ତାଙ୍କ ଟ୍ୱିଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଟ୍ୟାଗ କରିଛନ୍ତି ।
Delhi | Wrestlers, including Olympians Bajrang Punia & Sakshee Malikkh, protest against Wrestling Federation of India at Jantar Mantar
Bajrang Punia says, "Wrestlers don't want to tolerate the ongoing dictatorship. We'll hold a press conference b/w 3-4pm&reveal everything there" pic.twitter.com/vK9oEqkXFF
— ANI (@ANI) January 18, 2023
ବିନେଶ କହିଛନ୍ତି ଯେ ବ୍ରିଜ ଭୂଷଣ ତାଙ୍କୁ ମାନସିକ ନିର୍ଯାତନା ଦେଉଥିଲେ । ଏଥିରେ ଅତିଷ୍ଟ ହୋଇ ସେ ଦିନେ ଆତ୍ମହତ୍ୟା କରିବା ପାଇଁ ଚିନ୍ତା କରିଥିଲେ ବୋଲି ବିନେଶ ଅଭିଯୋଗ କରିଛନ୍ତି । ଯୌନ ନିର୍ଯାତନା ବିରୋଧରେ କାଳେ ସିଏ ମୁହଁ ଖୋଲିଦେବେ ଏଥିପାଇଁ ତାଙ୍କୁ ଚୁପ୍ କରାଯାଇଥିଲା ବୋଲି ସେ କହିଛନ୍ତି । ଏସିଆନ ଗେମ୍ ଓ କମନୱେଲ୍ଥ ଗେମ୍ରେ ଗୋଲ୍ଡ ମେଡାଲ ଜିତିଥିବା ବିନେଶଙ୍କର ଡୠଓ ଅଧ୍ୟକ୍ଷଙ୍କ ବିରୋଧରେ ଏପରି ସଂଗୀନ ଅଭିଯୋଗ ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।
