ସୀମା ପାର ହେବା ସ୍ଥାନରେ ଆଫଗାନିସ୍ତାନ ଓ ପାକିସ୍ତାନ ସେନା ମଧ୍ୟରେ ପ୍ରବଳ ସଂଘର୍ଷ ଘଟି ୨୨ ମୃତ
ସୀମା ପାର ହେବା ସ୍ଥାନରେ ଆଫଗାନିସ୍ତାନ ଓ ପାକିସ୍ତାନ ସୀମା ସେନା ମଧ୍ୟରେ ପ୍ରବଳ ସଂଘର୍ଷ ଘଟି ୧୯ ଜଣ ପାକିସ୍ତାନୀ ସୈନିକ ଏବଂ ୩ ଜଣ ଆଫଗାନିସ୍ତାନ ସାଧାରଣ ନାଗରିକଙ୍କ ମୃତ୍ୟୁ ଘଟିଛି। ପାକିସ୍ତାନ ସୀମାରେ ଥିବା ପୂର୍ବ ଆଫଗାନିସ୍ତାନର ଖୋଷ୍ଟ ଓ ପକ୍ତିକା ପ୍ରଦେଶରେ ଭୟଙ୍କର ସଂଘର୍ଷ ଜାରି ରହିଛି। ଆଫଗାନିସ୍ତାନ ସୀମା ବାହିନୀ ଖୋଷ୍ଟ ପ୍ରଦେଶର ଅଲି ଶିର ଜିଲ୍ଲାରେ ଥିବା ଅନେକ ପାକିସ୍ତାନୀ ସାମରିକ ପୋଷ୍ଟରେ ନିଆଁ ଲଗାଇ ଦେଇଛନ୍ତି। ଦାଣ୍ଡ-ଏ-ପାଟଣ ଜିଲ୍ଲାରେ ପାକିସ୍ତାନୀ ସୈନିକଙ୍କ ଗୁଳିମାଡ଼ରେ ୩ ଜଣ ଆଫଗାନିସ୍ତାନ ନାଗରିକ ପ୍ରାଣ ହରାଇଛନ୍ତି।ମଙ୍ଗଳବାର ରାତିରେ ପାକ୍ଟିକା ପ୍ରଦେଶରେ ପାକିସ୍ତାନୀ ସୈନ୍ୟଙ୍କ ଏୟାର ଷ୍ଟ୍ରାଇକରେ ମହିଳା ଓ ଶିଶୁଙ୍କ ସମେତ ୫୧ ଜଣଙ୍କ ମୃତ୍ୟୁ ହେବା ପରେ ଏହି ସଂଘର୍ଷ ଘଟିଥିଲା। ଆଫଗାନିସ୍ତାନ ତାଲିବାନ ଏବଂ ପାକିସ୍ତାନ ସରକାରଙ୍କ ମଧ୍ୟରେ ସମ୍ପର୍କ ଆହୁରି ତିକ୍ତ ହେବାରେ ଲାଗିଛି।
