ବିଦେଶରେ ବଢୁଛି ବନ୍ଦେ ଭାରତ ଟ୍ରେନର ଚାହିଦା
ବିଦେଶରେ ମଧ୍ୟ ବନ୍ଦେ ଭାରତ ଏକ୍ସପ୍ରେସ୍ ଟ୍ରେନ୍ର ଚାହିଦା ବଢିବାରେ ଲାଗିଛି। ଚିଲି, କାନାଡା, ମାଲେସିଆ ଭଳି ଦେଶ ଭାରତରୁ ବନ୍ଦେ ଭାରତ ଏକ୍ସପ୍ରେସ୍ ଟ୍ରେନ୍ ଆମଦାନୀ କରିବାକୁ ଆଗ୍ରହ ପ୍ରକାଶ କରିଛନ୍ତି। ସୂତ୍ରରୁ ପ୍ରକାଶ ଯେ ବାହ୍ୟ କ୍ରେତାମାନେ ବନ୍ଦେ ଭାରତ ପ୍ରତି ଆକୃଷ୍ଟ ହେବାର ଅନେକ କାରଣ ରହିଛି। ସେ କହିଛନ୍ତି ଯେ ଖର୍ଚ୍ଚ ହେଉଛି ଅନ୍ୟତମ ପ୍ରମୁଖ କାରଣ।ଅନ୍ୟ ଦେଶରେ ନିର୍ମିତ ଏଭଳି ଟ୍ରେନ୍ର ମୂଲ୍ୟ ପ୍ରାୟ ୧୬୦-୧୮୦ କୋଟି ଟଙ୍କା ହୋଇଥିବା ବେଳେ ବନ୍ଦେ ଭାରତ ଟ୍ରେନ୍ ୧୨୦ରୁ ୧୩୦ କୋଟି ଟଙ୍କା ମଧ୍ୟରେ ଆସୁଛି। ବନ୍ଦେ ଭାରତ ଏକ୍ସପ୍ରେସ ଟ୍ରେନର ବେଗ ମଧ୍ୟ ଏହାକୁ ଅତ୍ୟନ୍ତ ଆକର୍ଷଣୀୟ କରିଥାଏ।
ସୂତ୍ରରୁ ପ୍ରକାଶ ଯେ ବନ୍ଦେ ଭାରତର ଗତ ବହୁତ ଭଲ। ବନ୍ଦେ ଭାରତ ଏକ୍ସପ୍ରେସ ଟ୍ରେନର ଡିଜାଇନକୁ ଲୋକେ ଖୁବ ପସନ୍ଦ କରୁଛନ୍ତି । ଏହା ପ୍ରକୃତରେ ସୁନ୍ଦର ଅଟେ । ଖାସ୍ କଥା ହେଉଛି ଏଥିରେ ବିମାନ ତୁଳନାରେ ୧୦୦ ଗୁଣ କମ୍ ଶବ୍ଦ ଅନୁଭୂତ ହୋଇଥାଏ ଏବଂ ଏହାର ଶକ୍ତି ଖର୍ଚ୍ଚ ବହୁତ କମ୍ ହୋଇଥାଏ।ପରପକ୍ଷରେ ଭାରତୀୟ ରେଳବାଇ ଦ୍ରୁତଗତିରେ ନିଜର ଟ୍ରାକ୍ ନେଟୱାର୍କ ସଂପ୍ରସାରଣ କରୁଛି। ଏଥିସହିତ ବନ୍ଦେ ଇଣ୍ଡିଆ ଟ୍ରେନ୍ ସଂଖ୍ୟା ଯଥେଷ୍ଟ ସଂଖ୍ୟାରେ ବୃଦ୍ଧି କରିବା ପାଇଁ କାମ ଚାଲିଛି। କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି ଯେ ଗତ ୧୦ ବର୍ଷ ମଧ୍ୟରେ ୩୧ ହଜାର କିଲୋମିଟରରୁ ଅଧିକ ଟ୍ରାକ୍ ଯୋଡ଼ାଯାଇଛି। ଆମର ଲକ୍ଷ୍ୟ ହେଉଛି ୪୦,୦୦୦ କିଲୋମିଟର ଅତିରିକ୍ତ ଟ୍ରାକ୍ ଯୋଡିବା।
