ସକ୍ରିୟ ହେଲା ଡୋନାଲ୍ଡ ଟ୍ରମ୍ପଙ୍କ ଟ୍ୱିଟର ଆକାଉଣ୍ଟ

ସାନ୍ ଫ୍ରାନ୍ସିସ୍କୋ: ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବନ୍ଦ ଥିବା ଟ୍ୱିଟର ଆକାଉଣ୍ଟ ପୁଣି ଥରେ ସଚଳ ହୋଇଛି। ଟ୍ୱିଟର ସିଇଓ ଏଥିପାଇଁ ୟୁଜର୍ସଙ୍କ ମତ ମାଗିଥିଲେ। ଆମେରିକା ରାଷ୍ଟ୍ରପତି ନିର୍ବାଚନ ପାଇଁ ଟ୍ରମ୍ପ ପୁଣି ଦଲିଲ୍ ଦାଖଲ କରିଛନ୍ତି। ଗତବର୍ଷ ତାଙ୍କ ଟ୍ୱିଟର ଆକାଉଣ୍ଟକୁ ବନ୍ଦ କରିଥିଲା ଟ୍ୱିଟର। ୨୦୨୦ରେ ରାଷ୍ଟ୍ରପତି ନିର୍ବାଚନର ଫଳାଫଳକୁ ବିରୋଧ କରି ତାଙ୍କ ସମର୍ଥକ ମାନେ ୟୁଏସ୍ କ୍ୟାପିଟଲ୍ ଆକ୍ରମଣ କରି ବ୍ୟାପକ ହିଂସା କରିଥିଲେ। ଟ୍ୱିଟରରେ ହିଂସା ଉଦ୍ରେକକାରୀ ପୋଷ୍ଟକୁ ନେଇ ତାଙ୍କ ଆକାଉଣ୍ଟକୁ ଜାନୁଆରୀ ୬ ତାରିଖରେ ରଦ୍ଦ କରିଦିଆଯାଇଥିଲା।