ଦେଶ ଛାଡି ଯାଇ ପାରିବେନି ମହିନ୍ଦା ରାଜପକ୍ଷ
କଲମ୍ବୋ: ଶ୍ରୀଲଙ୍କାର ପୂର୍ବତନ ପ୍ରଧାନମନ୍ତ୍ରୀ ମହିନ୍ଦା ରାଜପକ୍ଷ ଦେଶ ଛାଡି ଯାଇପାରିବେ ନାହିଁ ସୁପ୍ରିମକୋର୍ଟ ପକ୍ଷରୁ ନିର୍ଦ୍ଦେଶ ଦିଆଯାଇଛି । ତାଙ୍କ ଦୁଇ ଭାଇ ଏବଂ ମନ୍ତ୍ରୀ ବାସିଲ ରାଜପକ୍ଷଙ୍କ ଉପରେ ମଧ୍ୟ ଏହି କଟକଣା ଲାଗୁ କରାଯାଇଛି । ଏମାନଙ୍କ ଭାଇ ତଥା ପୂର୍ବତନ ରାଷ୍ଟ୍ରପତି ଗୋଟାବାୟା ରାଜପକ୍ଷ ଦେଶ ଛାଡି ପଳାଇବା ପରେ ଇସ୍ତଫା ଦେଇଥିଲେ । ରାଜପକ୍ଷ ସରକାରଙ୍କ ଭୁଲ ନୀତି ଯୋଗୁ ଶ୍ରୀଲଙ୍କା ଆର୍ଥୀକ ସ୍ଥିତି ସମ୍ପୂର୍ଣ୍ଣ ଭାବେ ଦୁର୍ବଳ ହୋଇ ପଡିଥିଲା । ଶେଷର ଜନ ସାଧାରଣଙ୍କ ତୀବ୍ର ବିରୋଧ ପରେ ତାଙ୍କ ସରକାରଙ୍କ ପତନ ଘଟିଥିଲା । ରାନୀଲ ବିକ୍ରମସିଂଘେ ଏବେ କାମଚଳା ରାଷ୍ଟ୍ରପତି ଭାବେ ଶପଥ ଗ୍ରହଣ କରିଛନ୍ତି । ଶ୍ରୀଲଙ୍କାରେ ମଧ୍ୟ ଧିରେ ଧିରେ ଶାନ୍ତି ଫେରିବାରେ ଲାଗିଛି । ଖୁବ୍ ଶୀଘ୍ର ଏହି ସମସ୍ୟାର ସମାଧାନ ହୋଇଯିବ ବୋଲି ବିରୋଧୀ ଦଳର ନେତାମାନେ ଆଶା ବ୍ୟକ୍ତ କରିଛନ୍ତି । ଆସନ୍ତା ୨୦ ତାରିଖରେ ରାଷ୍ଟ୍ରପତି ଚୟନ କରାଯିବ ।
