ଟ୍ରମ୍ପଙ୍କ ଗମ୍ଭୀର ଆରୋପ: ପ୍ରଧାନମନ୍ତ୍ରୀ ମୋଦିଙ୍କୁ ହରାଇବା ପାଇଁ ଚାହୁଁଥିଲେ ଜୋ ବାଇଡେନ
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଜୋ ବାଇଡେନ ପ୍ରଶାସନ ବିରୋଧରେ ଏକ ଗମ୍ଭୀର ଅଭିଯୋଗ ଆଣିଛନ୍ତି। ଟ୍ରମ୍ପ ଦାବି କରିଛନ୍ତି ଯେ, ପ୍ରଧାନମନ୍ତ୍ରୀ ମୋଦିଙ୍କୁ ହରାଇବା ପାଇଁ ଚାହୁଁଥିଲେ ଜୋ ବାଇଡେନ ଏପରିକି ଭାରତର ନିର୍ବାଚନରେ ହସ୍ତକ୍ଷେପ କରୁଥିବା ଅଭିଯୋଗ ମଧ୍ୟ ସେ କରିଛନ୍ତି ।ଏଲୋନ ମସ୍କଙ୍କ ନେତୃତ୍ୱରେ ଆମେରିକାର ଶକ୍ତି ବିଭାଗ (DOGE) ଫେବୃଆରୀ 16 ତାରିଖରେ 21 ନିୟୁତ ଡଲାରର ଏକ ପାଣ୍ଠି ବ୍ଲକ ଘୋଷଣା କରିଥିଲା। DOGE X ରେ ଏକ ପୋଷ୍ଟ ମାଧ୍ୟମରେ ସୂଚନା ଦେଇଛି ଯେ, ଅନେକ ବିଦେଶୀ ସହାୟତା କାର୍ଯ୍ୟକ୍ରମକୁ ଅନାବଶ୍ୟକ କିମ୍ବା ଅତ୍ୟଧିକ ମହଙ୍ଗା ବୋଲି ବିବେଚନା କରାଯାଉଥିବାରୁ ସେଗୁଡ଼ିକୁ ବନ୍ଦ କରିଦିଆଯାଇଛି। ଯେଉଁଥିରେ ଭାରତରେ ଭୋଟର ଟର୍ଣ୍ଣଆଉଟ୍ ପ୍ରୋଜେକ୍ଟ ତାଲିକାର ଶୀର୍ଷରେ ଥିଲା।
ମିଆମିରେ ଅନୁଷ୍ଠିତ FII ପ୍ରାଥମିକତା ସମ୍ମିଳନୀରେ ଟ୍ରମ୍ପ କହିଛନ୍ତି, “ଆମକୁ ଭାରତରେ ଭୋଟ ଦେବା ପାଇଁ କାହିଁକି 21 ନିୟୁତ ଡଲାର ଖର୍ଚ୍ଚ କରିବାକୁ ପଡିଲା? ମୁଁ ଭାବୁଛି ସେମାନେ ଅନ୍ୟ କାହାକୁ ନିର୍ବାଚିତ କରିବାକୁ ଚେଷ୍ଟା କରୁଥିଲେ। ତେବେ ଭାରତ ସରକାରଙ୍କ ଏକ ବଡ଼ ସଫଳତା।”ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୂର୍ବରୁ ଫ୍ଲୋରିଡାସ୍ଥିତ ତାଙ୍କ ମାର୍-ଏ-ଲାଗୋ ବାସଭବନରେ DOGEର ନିଷ୍ପତ୍ତିକୁ ସମର୍ଥନ କରିଥିଲେ ଏବଂ ପଚାରିଥିଲେ ଯେ ଭାରତ ପାଖରେ ପ୍ରଚୁର ଟଙ୍କା ଥିବା ବେଳେ କାହିଁକି ତାଙ୍କୁ 21 ନିୟୁତ ଡଲାର ଦିଆଯାଇଥିଲା।ସେ କହିଥିଲେ ଯେ, ଭାରତ ପାଖରେ ପୂର୍ବରୁ ପ୍ରଚୁର ଟଙ୍କା ଅଛି ଏବଂ ଏହା ବିଶ୍ୱର ସର୍ବାଧିକ ଟିକସ ସଂଗ୍ରହକାରୀ ଦେଶଗୁଡ଼ିକ ମଧ୍ୟରୁ ଗୋଟିଏ। ଟ୍ରମ୍ପ କହିଛନ୍ତି ଯେ ଭାରତ ସହିତ ବ୍ୟବସାୟ କରିବାରେ ଆମେରିକାକୁ ଅସୁବିଧା ହେଉଛି କାରଣ ସେଠାରେ ଶୁଳ୍କ ବହୁତ ଅଧିକ। ସେ ଭାରତ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରତି ତାଙ୍କର ସମ୍ମାନ ପ୍ରକାଶ କରିଥିଲେ କିନ୍ତୁ ଆଶ୍ଚର୍ଯ୍ୟ ହୋଇଥିଲେ ଯେ ଆମେରିକା କାହିଁକି ଭାରତରେ ଭୋଟ ପାଇଁ ଟଙ୍କା ଦେଇଥିଲା ।
ଅନ୍ୟପକ୍ଷରେ ବିଜେପି ମୁଖପାତ୍ର ଅମିତ ମାଲବ୍ୟ ପ୍ରଶ୍ନ କରିଛନ୍ତି ଯେ, ଏତେ ପରିମାଣର ଟଙ୍କାରୁ କିଏ ଲାଭ ପାଇଛି, ଏହା ନିଶ୍ଚିତ ଯେ ଶାସକ ଦଳ ଏଥିରୁ ଲାଭ ପାଇ ନାହିଁ । ସେ ଏହାକୁ ବିଦେଶୀ ସଂସ୍ଥାଗୁଡ଼ିକ ଭାରତୀୟ ପ୍ରତିଷ୍ଠାନଗୁଡ଼ିକରେ ହସ୍ତକ୍ଷେପ ବୋଲି କହିଛନ୍ତି ।ମାଲବ୍ୟ ଏହି ପାଣ୍ଠି ପଦକ୍ଷେପ ପଛରେ ଆମେରିକୀୟ କୋଟିପତି ନିବେଶକ ଜର୍ଜ ସୋରୋସଙ୍କ ଭୂମିକା ଉପରେ ମଧ୍ୟ ପ୍ରଶ୍ନ ଉଠାଇଛନ୍ତି। ସେ କହିଛନ୍ତି ଯେ ଭାରତର ନିର୍ବାଚନ ପ୍ରକ୍ରିୟାକୁ ପ୍ରଭାବିତ କରିବା ପାଇଁ ବିଦେଶୀ ପାଣ୍ଠି ଦ୍ୱାରା ପରିଚାଳିତ ପଦକ୍ଷେପଗୁଡ଼ିକରେ ଜର୍ଜ ସୋରୋସଙ୍କ ପ୍ରଭାବ ପୂର୍ବରୁ ଦେଖିବା ପାଇଁ ମିଳିଛି ।
