ଭିଡିଓ ପୋଷ୍ଟ କରି ୟୁଟ୍ୟୁବ୍ ଠାରୁ ଅଧିକ ଟଙ୍କା ରୋଜଗାର କରିହେବ ଟ୍ୱିଟରରେ
ସୋସିଆଲ ମିଡିଆ ପ୍ଲାଟଫର୍ମ ଟ୍ୱିଟରକୁ ଦୁନିଆର ସବୁଠାରୁ ଧନୀ ବ୍ୟକ୍ତି ଏଲୋନ୍ ମସ୍କ ହାସଲ କରିବା ପରେ ପ୍ରତିଦିନ କିଛି ନୂଆ ଘଟଣା ଘଟୁଛି। ଏଥର ଟ୍ୱିଟର ବ୍ୟବହାରକାରୀଙ୍କ ପାଇଁ ଏକ ଖୁସି ଖବର ଅଛି। ୟୁଟ୍ୟୁବ୍ ପରି ଏହି ସୋସିଆଲ୍ ମିଡିଆ ପ୍ଲାଟଫର୍ମରେ ଆପଣ ଶୀଘ୍ର ଲମ୍ବା ଭିଡିଓ ଦେଖିପାରିବେ। ବର୍ତ୍ତମାନ ଟ୍ୱିଟରରେ ଲମ୍ବା ଭିଡିଓ ଅପଲୋଡ୍ କରିବାର କୌଣସି ସୁବିଧା ନାହିଁ। କିନ୍ତୁ ବର୍ତ୍ତମାନ ଲୋକେ ଏଥିରେ ସର୍ବାଧିକ ୧୪୦ ସେକେଣ୍ଡର ଭିଡିଓ ଦେଖିପାରିବେ।
ୟୁଟ୍ୟୁବ୍ ପରି ଉପଭୋକ୍ତାମାନେ ମଧ୍ୟ ଟ୍ୱିଟରରେ ଭିଡିଓ ପୋଷ୍ଟ କରି ରୋଜଗାର କରିବାକୁ ସମର୍ଥ ହେବେ। ମାଇକ୍ରୋବ୍ଲଗିଂ ସେବାର ମୁଖ୍ୟ ସୂଚାଇ ଦେଇଛନ୍ତି ଯେ, ଟ୍ୱିଟରରେ ଉପଭୋକ୍ତାମାନେ ସମସ୍ତ ପ୍ରକାର ଭିଡିଓରୁ ଟଙ୍କା ରୋଜଗାର କରିବେ। ତାଙ୍କ କହିବାନୁସାରେ, ଟ୍ୱିଟରର ମନିଟାଇଜେସନ୍ ସିଷ୍ଟମ ୟୁଟ୍ୟୁବ ଅପେକ୍ଷା ଭଲ ହେବ, ଅର୍ଥାତ୍ ୟୁଟ୍ୟୁବ ଅପେକ୍ଷା ଉପଭୋକ୍ତାମାନେ ଟ୍ୱିଟରରେ ଅଧିକ ଟଙ୍କା ରୋଜଗାର କରିବେ।
ନୀଳ ଟିକ୍ ପାଇଁ ୮ ଡଲାର୍ ଦେବାକୁ ପଡିବ। ତେବେ କମ୍ପାନୀରର ନୂତନ ନିୟମ ଅନୁଯାୟୀ ‘ବ୍ଲୁ ଟିକ୍’ ପାଇଁ ପ୍ରତି ମାସରେ ୭.୯୯ ଡଲାର ଶୁଳ୍କ ଦେବାକୁ ପଡିବ। ମିଡ଼ିଆ ରିପୋର୍ଟ ଅନୁଯାୟୀ, ଆମେରିକାର ମଧ୍ୟବର୍ତ୍ତୀକାଳୀନ ନିର୍ବାଚନ ପର୍ଯ୍ୟନ୍ତ ଟ୍ୱିଟର ‘ବ୍ଲୁ ଟିକ୍’ ପାଇଁ ମାସକୁ ୭.୯୯ ଡଲାର ନେବାକୁ ସ୍ଥଗିତ ରଖିପାରେ। ଆମେରିକାର ମଧ୍ୟବର୍ତ୍ତୀକାଳୀନ ନିର୍ବାଚନ ପୂର୍ବରୁ ଆକାଉଣ୍ଟ୍ ଭେରିଫିକେସନ୍ ସିଷ୍ଟମ୍ ବଦଳାଇବାକୁ କମ୍ପାନୀ ମାଲିକ ଏଲୋନ୍ ମସ୍କଙ୍କ ଉଦ୍ୟମ ମଧ୍ୟରେ ଏହି ପଦକ୍ଷେପ ନିଆଯାଇଛି।
ଟ୍ୱିଟରର ନୂତନ ମାଲିକ ଏହି ସପ୍ତାହ ଶେଷରେ ଟ୍ୱିଟ୍ ମାଧ୍ୟମରେ ନୂତନ ସେବା ଉପରେ ସୂଚନା ଦେଇଛନ୍ତି। ଏଲନ ମସ୍କ ଟ୍ୱିଟ୍ କରିଥିଲେ ଯେ ୟୁଟ୍ୟୁବ୍ ସୃଷ୍ଟିକର୍ତ୍ତାଙ୍କୁ ବିଜ୍ଞାପନର ରାଜସ୍ୱର ୫୫% ଦେଇଥାଏ, ଆମେ ମଧ୍ୟ ଏହାକୁ ପରାସ୍ତ କରିପାରିବା। ମସ୍କ ନିକଟରେ ଟୁଇଟ୍ କରି ସୂଚନା ଦେଇଛନ୍ତି ଯେ ଟ୍ୱିଟର ବ୍ଲୁ ଗ୍ରାହକମାନେ ୪୨ ମିନିଟ ପର୍ଯ୍ୟନ୍ତ ଭିଡିଓ ପୋଷ୍ଟ କରିପାରିବେ।
