ଚେର୍ନୋବିଲ୍ ପରମାଣୁ ବିଦ୍ୟୁତ୍ କେନ୍ଦ୍ରର ଚତୁର୍ଥ ଶକ୍ତି ୟୁନିଟକୁ ଆକ୍ରମଣ କରିଛି ଋଷ
ୟୁକ୍ରେନ୍ ଉପରେ ଋଷର ବଡ ଆକ୍ରମଣ । ଋଷ ଡ୍ରୋନ୍ ସାହାଯ୍ୟରେ ଚେର୍ନୋବିଲ୍ ପରମାଣୁ ବିଦ୍ୟୁତ୍ କେନ୍ଦ୍ରର ଚତୁର୍ଥ ଶକ୍ତି ୟୁନିଟକୁ ଟାର୍ଗେଟ କରିଛି । ରୁଷିଆ ଡ୍ରୋନ ଚେର୍ନୋବିଲର ବନ୍ଦ ପରମାଣୁ ଶକ୍ତି କେନ୍ଦ୍ର ଉପରେ ଆକ୍ରମଣ କରିଛି, ଯାହା ବିଶ୍ୱ ପରମାଣୁ ସୁରକ୍ଷାକୁ ବିପଦରେ ପକାଇଛି । ୟୁକ୍ରେନ ରାଷ୍ଟ୍ରପତି ଜେଲେନସ୍କି ନିଜେ ଟ୍ୱିଟରରେ ଏକ ଭିଡିଓ ପୋଷ୍ଟ କରି ଏହି ଆକ୍ରମଣ ଦାବି କରିଛନ୍ତି । ବିଶେଷଜ୍ଞମାନେ ରୁଷର ଏହି ଆକ୍ରମଣକୁ ବିଶ୍ୱ ସୁରକ୍ଷା ପାଇଁ ଏକ ବଡ଼ ବିପଦ ବୋଲି ବିବେଚନା କରୁଛନ୍ତି । ଚେର୍ନୋବିଲରେ ନିର୍ମିତ ଏହି ସ୍ୱତନ୍ତ୍ର ୟୁନିଟଟି ୟୁକ୍ରେନ୍, ୟୁରୋପ, ଆମେରିକା ଏବଂ ଅନ୍ୟାନ୍ୟ ଦେଶର ସହାୟତାରେ ନିର୍ମିତ ହୋଇଥିଲା, ଯାହାର ଲକ୍ଷ୍ୟ ଥିଲା ରେଡିଏସନ୍ର ବିପଦକୁ ଏଡାଇବା ।ୟୁକ୍ରେନ ରାଷ୍ଟ୍ରପତି ଜେଲେନସ୍କି ଏହି ଘଟଣାକୁ ଆତଙ୍କବାଦୀ ଆକ୍ରମଣ ବୋଲି କହିଛନ୍ତି । ସେ ରୁଷକୁ ଆନ୍ତର୍ଜାତୀୟ ନିୟମକୁ ଅଣଦେଖା କରି ପରମାଣୁ ସ୍ଥାନଗୁଡ଼ିକୁ ଟାର୍ଗେଟ କରୁଥିବା ଅଭିଯୋଗ କରିଛନ୍ତି, ଯାହା ସମଗ୍ର ବିଶ୍ୱ ପାଇଁ ଏକ ବଡ ବିପଦ । ଜେଲେନସ୍କି ଗୁରୁତ୍ୱାରୋପ କରିଥିଲେ ଯେ ଏପରି ଆକ୍ରମଣ ବିଶ୍ୱ ସୁରକ୍ଷାକୁ ଦୁର୍ବଳ କରିପାରେ ଏବଂ ତୁରନ୍ତ ପ୍ରତିକ୍ରିୟା ଆବଶ୍ୟକ ।
ଅଗ୍ନି ନିରାପତ୍ତା ଅଧିକାରୀମାନେ ସୂଚନା ଦେଇଛନ୍ତି ଯେ ଚେର୍ନୋବିଲ୍ ପ୍ଲାଣ୍ଟରେ ଡ୍ରୋନ୍ ଆକ୍ରମଣ ପରେ ଲାଗିଥିବା ନିଆଁକୁ ସମ୍ପୂର୍ଣ୍ଣ ନିୟନ୍ତ୍ରଣ କରାଯାଇଛି । ତଥାପି, ଏହି ଘଟଣା ପୁଣି ଥରେ ବିଶ୍ୱକୁ ଚେର୍ନୋବିଲ୍ ଭଳି ସମ୍ବେଦନଶୀଳ ସ୍ଥାନର ବିପଦ ବିଷୟରେ ସତର୍କ କରାଇ ଦେଇଛି ।ରୁଷିଆ ଡ୍ରୋନ୍ ଆକ୍ରମଣ ପରେ ଚେର୍ନୋବିଲ୍ ପ୍ଲାଣ୍ଟରେ ରେଡିଏସନ୍ ସ୍ତର ଯାଞ୍ଚ କରାଯାଇଥିଲା । ତଦନ୍ତ ପରେ, ବିଶେଷଜ୍ଞମାନେ ନିଶ୍ଚିତ କରିଛନ୍ତି ଯେ ବର୍ତ୍ତମାନ କୌଣସି ଅସ୍ୱାଭାବିକ ସ୍ତରର ଥିବା ଜଣାପଡିନି ।
