ଦକ୍ଷିଣ କୋରିଆର ମୁଆନ୍ ସହରରେ ବିମାନ ଦୁର୍ଘଟଣାଗ୍ରସ୍ତ: ୧୭୯ ଜଣଙ୍କ ମୃତ୍ୟୁ
ଦକ୍ଷିଣ କୋରିଆର ମୁଆନ୍ ସହରରେ ରବିବାର ଜେଜୁ ଏୟାରର ଏକ ବିମାନ ରନୱେରୁ ଖସି ବାଡ଼ ସହ ଧକ୍କା ଖାଇଥିଲା। ୧୮୧ ଯାତ୍ରୀଙ୍କ ମଧ୍ୟରୁ ୧୭୯ ଜଣଙ୍କ ମୃତ୍ୟୁ ହୋଇଥିବା ଆଶଙ୍କା କରାଯାଉଛି। ଦୁର୍ଘଟଣାରେ ବର୍ତ୍ତମାନ ସୁଦ୍ଧା ୯୪ ଜଣଙ୍କ ମୃତ୍ୟୁ ହୋଇଥିବା କର୍ତ୍ତୃପକ୍ଷ ନିଶ୍ଚିତ କରିଛନ୍ତି।ବ୍ୟାଙ୍କକରୁ ଆସୁଥିବା ଏକ ବିମାନରେ ୧୭୫ ଜଣ ଯାତ୍ରୀ ଓ ୬ ଜଣ କର୍ମଚାରୀଙ୍କୁ ନେଇ ଜେଜୁ ଏୟାରବିମାନ ୭ସି୨୨୧୬ ସ୍ଥାନୀୟ ସମୟ ସକାଳ ପ୍ରାୟ ୯ଟାରେ ଅବତରଣ କରୁଥିବା ବେଳେ ଏହି ଅଘଟଣ ଘଟିଥିଲା। ଜେଜୁ ଏୟାରର ବିମାନଟି ୧୭୫ ଜଣ ଯାତ୍ରୀ ଓ ୬ ଜଣ କ୍ରୁ ମେମ୍ବରଙ୍କୁ ନେଇ ଥାଇଲାଣ୍ଡର ବ୍ୟାଙ୍କକରୁ ଦକ୍ଷିଣ କୋରିଆର ମୁଆନ୍ ଅଭିମୁଖେ ଫେରୁଥିଲା।
