ବିଶ୍ୱର ୧୪ଟି ଦେଶକୁ ଆମରେିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଟାରିଫ୍ ଚିଠି ପଠାଇଛନ୍ତି
ବିଶ୍ୱର ୧୪ଟି ଦେଶକୁ ଆମରେିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଟାରିଫ୍ ଚିଠି ପଠାଇଛନ୍ତି । ୧୪ଟି ଦେଶ ଉପରେ ନୂଆ ଟାରିଫ ଲାଗୁ କରିବାକୁ ଯାଉଥିବା ନେଇ ଚିଠିରେ ଅବଗତ କରାଇଛନ୍ତି । ଫଳରେ ଏହି ଦେଶଗୁଡିକ ଆମେରିକାକୁ ରପ୍ତାନୀ କରୁଥିବା ଜିନିଷ ଉପରେ ଅଧିକ ଶୁକ୍ଳ ଦେବେ । ଏହି ୧୪ଟି ଦେଶକୁ ଚିଠି ଲେଖି ଖୋଲାଖୋଲି ଧମକ ଦେଇଛନ୍ତି ଡୋନାଲ୍ଡ ଟ୍ରମ୍ପ । ଅଗଷ୍ଟ ୧ତାରିଖରୁ ଏହା ଲାଗୁ ହେବ ବୋଲି କୁହାଯାଇଛି । ଜାପାନ ଓ ଦକ୍ଷିଣ କୋରିଆରୁ ଆମଦାନୀ ସାମଗ୍ରୀ ଉପରେ ଟ୍ରମ୍ପ୨୫ପ୍ରତିଶତ ଟାରିଫ୍ ଘୋଷଣା କରିଛନ୍ତି । ଟାରିଫକୁ ଦୀର୍ଘକାଳୀନ ବାଣିଜ୍ୟ ଅସନ୍ତୁଳନ ହ୍ରାସ କରିବା ପାଇଁ ଆମେରିକାର ଅର୍ଥନୀତି ଓ ଜାତୀୟ ସୁରକ୍ଷାକୁ ସୁଦୃଢ କରିବାର ଏକ ପଦକ୍ଷେପ ବୋଲି କହିଛନ୍ତି ଟ୍ରମ୍ପ ।
ଏହି ଟାରିଫ ଜାପାନ ଓ ଦକ୍ଷିଣ କୋରିଆର ଅଟୋମୋବାଇଲ, ଷ୍ଟିଲ ଏବଂ ଅନ୍ୟାନ୍ୟ ଶିଳ୍ପ ଉପରେ ବିଶେଷ ପ୍ରଭାବ ପକାଇବ । କାରଣ ଏହି ଦୁଇ ଦେଶ ଆମେରିକାକୁ ବହୁ ମାତ୍ରାରେ ଗାଡି ଓ ଇଲେକ୍ଟ୍ରୋନିକ୍ସ ସାମଗ୍ରୀ ରପ୍ତାନି କରିଥାନ୍ତି । ଭାରତ ସହିତ ଖୁବଶୀଘ୍ର ଡିଲ୍ ଚୂଡାନ୍ତ ହେବ ବୋଲି ଟ୍ରମ୍ପ କହିଛନ୍ତି । ଟ୍ରମ୍ପ କହିଛନ୍ତି ରେ ବ୍ରିଟେନ, ଚାଇନା ଓ ଭିଏତନାମା ଦେଶ ଗୁଡିକ ସହ ନୂଆ ଟ୍ରେଡ ଡିଲ୍ ସମ୍ପର୍କରେ ବୁଝାମଣା ହୋଇସାରିଛି । ଭାରତ ସହିତ କଥାବାର୍ତ୍ତା ସକାରାତ୍ମକ ଦିଗରେ ଆଗକୁ ବଢିଛି ।ପ୍ରଥମ ପର୍ଯ୍ୟାୟରେ ଜାପାନ, ଦକ୍ଷିଣ କୋରିଆକୁ ଚିଠି କରାଯାଇଥିଲା । ଏହାପରେ ଦକ୍ଷିଣ ଆଫ୍ରିକା, ଇଣ୍ଡୋନେସିଆ, ଥାଇଲ୍ୟାଣ୍ଡ, କାମ୍ବୋଡିଆ. ମାଲେସିୟା, ବାଂଲାଦେଶ, ଲାଓସ୍, ମିଆଁମାର, ବୋସନିଆ, ସର୍ବିୟା, କାଜାଖସ୍ତାନ ଓ ଟୁନିସିଆ ଭଳି ଆଉ ୧୨ଟି ଦେଶକୁ ଚିଠି ଲେଖି ନୂଆ ଟାରଇଫ୍ ନୀତି ସମ୍ପର୍କରେ ଟ୍ରମ୍ପ ଅବଗତ କରାଇଛନ୍ତି ।
