ଇଡି ଅଫିସରେ ହାଜର ହେଲେ ଅର୍ଚ୍ଚନାଙ୍କ ବାପା
ଭୁବନେଶ୍ୱର: ରବିବାର ଇଡିରେ ହାଜର ହୋଇଛନ୍ତି ଲେଡି ବ୍ଲାକ୍ମେଲର ଅର୍ଚ୍ଚନା ନାଗଙ୍କ ବାପା। ଅର୍ଚ୍ଚନାଙ୍କ ବେନାମୀ ସମ୍ପତ୍ତି ନେଇ ଇଡି ଖୋଳତାଡ଼ ଆରମ୍ଭ କରିଛି। ଅର୍ଚ୍ଚନାଙ୍କ ବାପା ଆଜି ସକାଳେ ଇଡି ଅଫିସରେ ହାଜର ହେବା ପରେ ତାଙ୍କୁ ପଚରାଉଚରା କରାଯାଇ ଅଧିକ ତଥ୍ୟ ସଂଗ୍ରହ କରୁଛି ଇଡି। ୫ ବର୍ଷ ମଧ୍ୟରେ ଅର୍ଚ୍ଚନା କିପରି ଏତେ ସମ୍ପତ୍ତିର ଅଧିକାରିଣୀ ହେଲେ ସେନେଇ ଇଡି ଜେରା କରୁଛି।
ଅନ୍ୟପକ୍ଷରେ ଅର୍ଚ୍ଚନାଙ୍କ ସହଯୋଗୀ ଖଗେଶ୍ୱର ପାତ୍ରଙ୍କୁ ୧୦ ଦିନିଆ ରିମାଣ୍ଡରେ ନେଇ ଇଡି ମଧ୍ୟ ତାଙ୍କୁ ପଚରାଉଚରା କରୁଛି। ଆଜି ତାଙ୍କ ରିମାଣ୍ଡ ୪ର୍ଥ ଦିନରେ ପହଞ୍ଚିଛି।
