ଅଷ୍ଟ୍ରେଲୀୟ ଓପନ୍ ପରେ ଅବସର ନେବେ ଷ୍ଟାର ଟେନିସ୍ ଖେଳାଳି ସାନିଆ ମିର୍ଜା
ନୂଆଦିଲ୍ଲୀ: ଭାରତୀୟ ଟେନିସ୍ ତାରକା ସାନିଆ ମିର୍ଜା ଅଫିସିଆଲ ଭାବେ ପ୍ରୋଫେସନାଲ ଟେନିସକୁ ଅଲବିଦା କହିଛନ୍ତି । ସୋସିଆଲ ମିଡିଆରେ ଏକ ଭାବପ୍ରବଣ ପୋଷ୍ଟ କରି ସେ ଏହାର ଘୋଷଣା କରିଛନ୍ତି ।
ଭାରତୀୟ ଟେନିସ୍ ଷ୍ଟାର ଇନଷ୍ଟାଗ୍ରାମରେ ପୋଷ୍ଟ କରିଛନ୍ତି ଯେ, ସେ ଅଷ୍ଟ୍ରେଲୀୟ ଓପନ୍ ପରେ ନିଜ ପୁଅ ସହିତ ଅଧିକ ସମୟ ବିତାଇବାକୁ ଚାହାଁନ୍ତି । ସେ ଆହୁରି ମଧ୍ୟ ଲେଖିଛନ୍ତି ଯେ, ୩୦ ବର୍ଷ ପୂର୍ବେ ହାଇଦ୍ରାବାଦର ୬ ବର୍ଷର ଝିଅ ପ୍ରଥମ ଥର ପାଇଁ କୋର୍ଟକୁ ଯାଇଥିଲା । ନିଜ ମା ସହ ଯାଇଥିଲା ଓ କୋଚ କହିଥିଲେ କି ଟେନିସ୍ ପିକରି ଖେଳାଯାଏ । ସାନିଆ ମିର୍ଜା ଆହୁରି ଲେଖିଛନ୍ତି ଯେ, ମୁଁ ଭାବିଲି ଯେ ମୁଁ ଟେନିସ୍ ଶିଖିବାକୁ ବହୁତ ଛୋଟ । ମୋର ସ୍ୱପ୍ନର ଯୁଦ୍ଧ ୬ ବର୍ଷ ବୟସରେ ଆରମ୍ଭ ହୋଇଥିଲା ।
ତେବେ ସାନିଆ ମିର୍ଜା ଡବଲ୍ସରେ ୩ ଥର ଚାମ୍ପିଅନ୍ ହୋଇଛନ୍ତି । ଏହି ଭାରତୀୟ ଭେଟେରାନ୍ ମହିଳା ଡବଲରେ ୨୦୧୬ ରେ ଅଷ୍ଟ୍ରେଲିୟ ଓପନ୍ ଟାଇଟଲ୍ ଜିତିଥିଲେ । ଏହା ବ୍ୟତୀତ ସାନିଆ ମିର୍ଜା ମହିଳା ଡବଲ୍ସରେ ୨୦୧୫ ରେ ୱିମ୍ବଲଡନ୍ ଏବଂ ୟୁଏସ୍ ଓପନ୍ ଟାଇଟଲ୍ ଜିତିଥିଲେ ।
