ଜୋତାର ମୂଲ୍ୟ ୧୮ କୋଟି
ଜୋତାର ଦାମ୍ ବଜାରରେ ଆପଣ ୧୦ ହଜାରରୁ ୨୦ ହଜାର ଟଙ୍କା ପର୍ଯ୍ୟନ୍ତ ଦେଖିଥିବେ । କିନ୍ତୁ ଏପରି ଏକ ଜୋତା ଅଛି ଯାହାର ମୂଲ୍ୟ ଆପଣଙ୍କର ଜୀବନଭରି କରିଥିବା ରୋଜଗାରକୁ ବି ନିଅଣ୍ଟ ପଡିପାରେ ।
ନିକଟରେ ଏଭଳି ଏକ ଜୋତାର ଫଟୋ ସୋସିଆଲ ମିଡ଼ିଆରେ ସେୟାର କରାଯାଇଥିଲା, ଯାହାକୁ ଏପର୍ଯ୍ୟନ୍ତ ଦୁନିଆର ସବୁଠାରୁ ଦାମୀ ଜୋତା ବୋଲି କୁହାଯାଉଛି । ଜୋତାର ମୂଲ୍ୟ ବିଶ୍ୱ ରେକର୍ଡ ମଧ୍ୟ ସୃଷ୍ଟି କରିଛି । ଜୋତାର ମୂଲ୍ୟ ଏତେ ଅଧିକ ଯେ ଆପଣ ନିଜ ସ୍ୱପ୍ନରେ ମଧ୍ୟ ଚିନ୍ତା କରିବାକୁ ସମର୍ଥ ହେବେ ନାହିଁ । ନାଲି-କଳା ସ୍ନିକର, ଏହି ଜୋତାର ମୂଲ୍ୟ ୧୮ କୋଟି, ଯାହା ନିକଟରେ ନିଲାମ ହୋଇଛି ।
ବାସ୍ତବରେ ଏହି ଜୋତାଟି ଆମେରିକାର ପ୍ରସିଦ୍ଧ ବାସ୍କେଟବଲ୍ ଖେଳାଳି ମାଇକେଲ୍ ଜୋର୍ଡାନଙ୍କର । ୧୯୯୮ ମସିହାରେ ସେ ବାସ୍କେଟବଲ୍ ଚାମ୍ପିଅନସିପ୍ରେ ମାଇକେଲ୍ ଏହି ଜୋତା ପିନ୍ଧିଥିଲେ । ସେହି ମ୍ୟାଚ୍ରେ ସେ ଏକ ବଡ଼ ବିଜୟ ହାସଲ କରିଥିଲେ । ନିକଟରେ ଏହି ଜୋତା ନିଲାମ କରାଯାଇଥିଲା । ଏକ ସ୍ନିକର୍ ଯୋଡି ଯୋତା ୧୮ କୋଟି ଟଙ୍କାରେ ବିକ୍ରି ହୋଇଥିଲା । ଏହି ଜୋତାରେ ମାଇକେଲ୍ ଜୋର୍ଡାନଙ୍କ ଦସ୍ତଖତ ମଧ୍ୟ ରହିଛି । ଯାହା ଆଜି ପର୍ଯ୍ୟନ୍ତ ସୁରକ୍ଷିତ ରହିଛି ।
ପ୍ରଶଂସକଙ୍କ ବିଷୟରେ ଆପଣ ସହଜରେ ଅନୁମାନ କରିପାରିବେ ଲୋକମାନେ ପୁରୁଣା ଜୋତା କିଣିବା ପାଇଁ ୧୮ କୋଟି ଟଙ୍କା ଦେଇପାରନ୍ତି । ଯଦିଓ ଏହା ପ୍ରଥମ ନୁହେଁ ଯେ ନିଲାମରେ ଜୋତାର ମୂଲ୍ୟ କୋଟିରେ ପହଞ୍ଚିଛି । ଏହା ପୂର୍ବରୁ ଅର୍ଥାତ୍ ୨୦୨୧ ମସିହାରେ ମଧ୍ୟ ଏକ ଜୋତା ୧୨ କୋଟିରେ ବିକ୍ରି ହୋଇଥିଲା । ସେହି ଜୋତାକୁ ଜୋର୍ଡାନ ତାଙ୍କ କ୍ୟାରିୟରର ଶେଷ ମ୍ୟାଚରେ ପିନ୍ଧିଥିଲେ ।
