ବିସିସିଆଇ ଉପାଧ୍ୟକ୍ଷ ପଦରୁ ଇସ୍ତଫା ଦେବେ ରାଜୀବ ଶୁକ୍ଳା
ରାଜୀବ ଶୁକ୍ଳା ରାଜ୍ୟସଭା ପାଇଁ ନିର୍ବାଚିତ ହୋଇଛନ୍ତି
ନୂଆଦିଲ୍ଲୀ: ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ(ବିସିସିଆଇ)ର ଉପାଧ୍ୟକ୍ଷ ରାଜୀବ ଶୁକ୍ଳା ଶୀଘ୍ର ନିଜ ପଦରୁ ଇସ୍ତଫା ଦେବେ। ଶୁକ୍ଳା ସଂସଦର ଉଚ୍ଚସଦନ ଅର୍ଥାତ ରାଜ୍ୟସଭା ପାଇଁ ନିର୍ବାଚିତ ହୋଇଛନ୍ତି। ରାଜ୍ୟସଭାର ସଦସ୍ୟ ଭାବେ ସୋମବାର ଶୁକ୍ଳା ଶପଥ ଗ୍ରହଣ କରିଛନ୍ତି। ବିସିସିଆଇର ସମ୍ବିଧାନ ଅନୁଯାୟୀ, କୌଣସି ବି ବ୍ୟକ୍ତି ଏକ ସଙ୍ଗେ ଦୁଇଟି ପଦରେ ରହି ପାରିବେ ନାହିଁ। ଗୁରୁବାର ହେବାକୁ ଥିବା ବିସିସିଆଇର ଶୀର୍ଷ ପରିଷଦ ବୈଠକରେ ଏହାର ଘୋଷଣା କରାଯିବାର ସମ୍ଭାବନା ରହିଛି। ପୂର୍ବତନ କେନ୍ଦ୍ର ମନ୍ତ୍ରୀ ରାଜୀବ ଶୁକ୍ଳା ନିକଟରେ ଛତିଶଗଡରୁ ରାଜ୍ୟସଭା ସାଂସଦ ଭାବେ ନିର୍ବାଚିତ ହୋଇଛନ୍ତି।
ବିସିସିଆଇର ଜଣେ ବରିଷ୍ଠ ଅଧିକାରୀଙ୍କ ମୁତାବକ, ସମ୍ବିଧାନ ଅନୁଯାୟୀ ଶୁକ୍ଳାଙ୍କୁ ଉପାଧ୍ୟକ୍ଷ ପଦ ଛାଡିବାକୁ ପଡିବ। ଏହି ବିଷୟରେ ଅଧିକ ଆଲୋଚନା କରିବାକୁ ସୁଯୋଗ ମିଳିନାହିଁ, କାରଣ ଅଧିକାଂଶ ପଦାଧିକାରୀ ଇଂଲଣ୍ଡରେ ଥିଲେ। ତେଣୁ ଆଗାମୀ ବୈଠକରେ ଏହାର ଘୋଷଣା କରାଯିବ।
— Rajeev Shukla (@ShuklaRajiv) July 18, 2022
ବିସିସିଆଇ ସମ୍ଵିଧାନର ନିୟମ ୭.୨ ଅନୁସାରେ, ସଭାପତିଙ୍କ ଅନୁପସ୍ଥିତିରେ ଉପସଭାପତି ହିଁ ସଭାପତିଙ୍କ କାର୍ଯ୍ୟ କରିବେ। ସଭାପତି, ସଭାପତି, ସଚିବ, ଯୁଗ୍ମ ସଚିବ ଏବଂ କୋଷାଧ୍ୟକ୍ଷଙ୍କୁ ବିସିସିଆଇର ପଦାଧିକାରୀଙ୍କ ରୂପେ ନାମିତ କରାଯାଇଛି। ସମ୍ବିଧାନ କୌଣସି ବି ପଦାଧିକାରୀ ବିସିସିଆଇରେ କାମ କରିବେ ତେବେ ତାଙ୍କୁ ଅନ୍ୟ ପଦ ଛାଡିବାକୁ ପଡିବ।
