ବିଶାଖାପାଟଣା- କିରଣ୍ଡୁଲ ପାସେଞ୍ଜର ଟ୍ରେନର ୪ଟି ବଗି ଲାଇନଚ୍ୟୁତ
କୋରାପୁଟ: କୋଟାଭାଲାସା-ଆରାକୁ ବିଭାଗର ସିଭାଲିଙ୍ଗାପୁରମ୍ ଷ୍ଟେସନ ନିକଟରେ ୦୮୫୫୧ ବିଶାଖାପାଟନମ୍-କିରାଣ୍ଡୁଲ୍ ପାସେଞ୍ଜର ଟ୍ରେନ୍ ଲାଇନଚ୍ୟୁତ ହୋଇଛି।
ସୂଚନା ଅନୁଯାୟୀ, ଟ୍ରେନର ସାଧାରଣ ଦ୍ୱିତୀୟ ଶ୍ରେଣୀ କୋଚର ଗୋଟିଏ ଚକ ସେଟ୍ (ଟ୍ରେନର ପଛରୁ ଷଷ୍ଠ) ଲାଇନଚ୍ୟୁତ ହୋଇଥିଲା। ଏହା ପରେ ସେହି କୋଚରେ ଥିବା ସମସ୍ତ ଯାତ୍ରୀଙ୍କୁ ଅନ୍ୟ କୋଚକୁ ସ୍ଥାନାନ୍ତର କରାଯାଇଥିଲା ଏବଂ କୌଣସି ଅଘଟଣ ଘଟି ନଥିଲା। ପୁନରୁଦ୍ଧାର କାର୍ଯ୍ୟ ଉପରେ ନଜର ରଖିବା ପାଇଁ ଡିଆରଏମ ଅନୁପ ସତ୍ୟପାଠୀ ତାଙ୍କର ଅନ୍ୟ ଅଧିକାରୀଙ୍କ ସହ ସଙ୍ଗେ ସଙ୍ଗେ ଦୁର୍ଘଟଣାସ୍ଥଳକୁ ଯାଇଥିଲେ। ସେଠାରେ ସେ ଯାତ୍ରୀଙ୍କ ଉଦ୍ଧାର କାର୍ଯ୍ୟର ତଦାରଖ କରିବା ସହ ଯାତ୍ରୀମାନଙ୍କୁ ସୁରକ୍ଷିତ ଭାବେ ସେମାନଙ୍କର ଗନ୍ତବ୍ୟସ୍ଥଳକୁ ପଠାଇବାର ବ୍ୟବସ୍ଥା କରିଥିଲେ।
