ସୁପ୍ରିମକୋର୍ଟରେ ବିନା ସର୍ତ୍ତରେ କ୍ଷମା ପ୍ରାର୍ଥନା କଲେ ବାବା ରାମଦେବ

ସୁପ୍ରିମକୋର୍ଟରେ ବିନା ସର୍ତ୍ତରେ କ୍ଷମା ପ୍ରାର୍ଥନା କଲେ ବାବା ରାମଦେବ । ଯୋଗ ଗୁରୁ ବାବା ରାମଦେବ ଏବଂ ପତଞ୍ଜଳି ଆୟୁର୍ବେଦର ପରିଚାଳନା ନିର୍ଦ୍ଦେଶକ ତଥା ଯୋଗ ଗୁରୁ ରାମଦେବଙ୍କ ସହଯୋଗୀ ଆଚାର୍ଯ୍ୟ ବାଲକ୍ରିଷ୍ଣା ବିଭ୍ରାନ୍ତକାରୀ ବିଜ୍ଞାପନ ମାମଲାକୁ ନେଇ ଆଜି ସୁପ୍ରିମକୋର୍ଟରେ ହାଜର ହୋଇଥିଲେ । ମାମଲାର ଶୁଣାଣି ସମୟରେ ଦୁହେଁ ସୁପ୍ରିମକୋର୍ଟରେ ବିନା ସର୍ତ୍ତରେ କ୍ଷମା ମାଗିଥିବା ଜଣାପଡ଼ିଛି ।

ଶୁଣାଣି ସମୟରେ ସୁପ୍ରିମକୋର୍ଟ କହିଛନ୍ତି ଯେ ରାମଦେବ ଏବଂ ବାଲକ୍ରିଷ୍ଣା ନିଶ୍ଚିତ ହେବା ଉଚିତ ଯେ ସେମାନଙ୍କ କ୍ଷମା ପ୍ରାର୍ଥନା ସମ୍ବନ୍ଧରେ ଏକ ଆଫିଡେଭିଟ ଦାଖଲ କରାଯାଇଛି । ବିଜ୍ଞାପନ ମାମଲାରେ ଏକ ନୂତନ ଆଫିଡେଭିଟ ଦାଖଲ କରିବାକୁ ଅଧିକ ସମୟ ମାଗୁଥିବା ପତଞ୍ଜଳିର ଆବେଦନ ଉପରେ କୋର୍ଟ କହିଛନ୍ତି ଯେ ବେଳେବେଳେ ଜିନିଷଗୁଡ଼ିକ ସେମାନଙ୍କର ଯୁକ୍ତିଯୁକ୍ତ ସିଦ୍ଧାନ୍ତରେ ପହଞ୍ଚିବା ଉଚିତ । ଏହା ସମ୍ପୂର୍ଣ୍ଣ ଅମାନ୍ୟ, କେବଳ ସୁପ୍ରିମକୋର୍ଟ ନୁହେଁ ଦେଶର ସମସ୍ତ ଅଦାଲତ ଦେଇଥିବା ପ୍ରତ୍ୟେକ ଆଦେଶକୁ ସମ୍ମାନ ଦିଆଯିବା ଆବଶ୍ୟକ ।

ନିକଟରେ ରାମଦେବ ଏବଂ ବାଲକ୍ରିଷ୍ଣାଙ୍କୁ ଏହି ପ୍ରସଙ୍ଗରେ ସୁପ୍ରିମକୋର୍ଟ ଡକାଇଥିଲେ । ଜଷ୍ଟିସ ହିମା କୋହଲିଙ୍କ ନେତୃତ୍ୱରେ ଏକ ବେଞ୍ଚ କହିଛି ଯେ ବିଭ୍ରାନ୍ତିକର ବିଜ୍ଞାପନର ନିରନ୍ତର ପ୍ରକାଶନ ପାଇଁ ଜାରି କରାଯାଇଥିବା ଅବମାନନା ବିଜ୍ଞପ୍ତିରେ ଆୟୁର୍ବେଦିକ କମ୍ପାନୀ ପତଞ୍ଜଳି କୌଣସି ପ୍ରତିକ୍ରିୟା ଦେଇ ନାହିଁ । ଏହା ପରେ ସୁପ୍ରିମକୋର୍ଟ କହିଥିଲେ ଯେ, କୋର୍ଟର ପ୍ରକ୍ରିୟାକୁ ହାଲୁକା ଭାବେ ନିଅନ୍ତୁ ନାହିଁ । ନଭେମ୍ବର ୨୧ରେ କୋର୍ଟର ନିର୍ଦ୍ଦେଶ ସତ୍ୱେ ବି ୨୪ଘଣ୍ଟା ମଧ୍ୟରେ ରାମଦେବ, ବାଲକ୍ରିଷ୍ଣା ଏବଂ ପତଞ୍ଜଳି ସାମ୍ବାଦିକ ସମ୍ମିଳନୀ କରିଥିଲେ । ଏପଟେ ସୁପ୍ରିମକୋର୍ଟରେ ଶୁଣାଣି ଚାଲିଥିଲା ଏବଂ ସେପଟେ ପତଞ୍ଜଳି ବିଜ୍ଞାପନ ଛାପି ଚାଲିଥିଲା । ଏଭଳି ଭୁଲ ପାଇଁ କେବଳ କ୍ଷମା ପ୍ରାର୍ଥନା ଯଥେଷ୍ଟ ନୁହେଁ ।

ଖଣ୍ଡପୀଠ ଏଭଳି କହିବା ପରେ ନିଜର ସବୁ ଭୁଲ ସ୍ୱୀକାର କରି କ୍ଷମା ମାଗିଥିଲେ ବାବା ରାମଦେବ । ଏହା ସହ ଭବିଷ୍ୟତରେ ଏଭଳି ଭୁଲ ହେବ ନାହିଁ ବୋଲି ମଧ୍ୟ କହିଥିଲେ ।