ଶୀତ ପାଇଁ ବନ୍ଦ ହେଲା ବଦ୍ରିନାଥ ଧାମ ଦ୍ୱାର

ଆଜିଠୁ ବନ୍ଦ ବଦ୍ରିନାଥ ଧାମ । ଶୀତ ପାଇଁ ବନ୍ଦ ହେଲା ବଦ୍ରିନାଥ ଧାମ ଦ୍ୱାର । ଏଥି ସହିତ ଲୋକଙ୍କ ଚାରିଧାମ ଯାତ୍ରାରେ ପଡିବ ପୂର୍ଣ୍ଣଚ୍ଛେଦ । ଦର୍ଶ ପାଇଁ ୧୦ହଜାରରୁ ଉର୍ଦ୍ଧ୍ବ ଶ୍ରଦ୍ଧାଳୁଙ୍କ ଭିଡ଼ । ଏନେଇ ବଦ୍ରିନାଥ ଧାମକୁ ୧୫ କ୍ୱିଣ୍ଟାଲ ଗେଣ୍ଡୁଫୁଲରେ ସୁସଜ୍ଜିତ କରାଯାଇଛି । ଶେଷ ଦିନରେ ମାତା ଲକ୍ଷ୍ମୀଙ୍କ ପାଖରେ କଢେଇ ଭୋଗ ସମର୍ପିତ କରାଯାଇଛି । ଧାମରେ ପଞ୍ଚ ପୂଜା ୧୪ ନଭେମ୍ବରରେ ଆରମ୍ଭ ହୋଇଥିଲା । ପ୍ରଥମ ଦିନ ଧାମରେ ଗଣେଷ ମନ୍ଦିର,ଏବଂ ଦ୍ୱିତୀୟ ଦିନ କେଦାରନାଥ ମନ୍ଦିର ଏବଂ ଆଦି ଶଙ୍କରାଚାର୍ଯ୍ୟ ମନ୍ଦିର ଦ୍ୱାର ବନ୍ଦ କରାଯାଇଥିଲା । ତୃତୀୟ ଦିନ ଖଡକ ପୁସ୍ତକ ପୂଜା କରାଯାଇଥିଲା । ସେପଟେ କେରଳ ସବରିମାଳା ମନ୍ଦିର ଆଜିଠୁ ଭକ୍ତଙ୍କ ନିମନ୍ତେ ଖୋଲି ଦିଆଯାଇଛି । ମନ୍ଦିର ଦ୍ୱାର ଖୋଲିବା କ୍ଷଣିହିଁ ଭକ୍ତଙ୍କ ପ୍ରବଳ ଭିଡ ଦେଖିବାକୁ ମିଳିଛି ।