ମଝୀ ନଦୀରେ ଡଙ୍ଗାରେ ଫାଟିଲା ସିଲିଣ୍ଡର, ୫ ମୃତ
ପାଟନା: ବିହାରର ପାଟନା ସହର ନିକଟବର୍ତ୍ତୀ ଦାନାପୁରରେ ଏକ ଅଭାବନୀୟ ଘଟଣା ଘଟିଛି । ନଦୀ ମଝିରେ ଡଙ୍ଗାରେ ଗ୍ୟାସ ସିଲିଣ୍ଡର ବିସ୍ଫୋରଣ ହେବା ଫଳରେ ୫ ଜଣ ଶ୍ରମିକଙ୍କ ମୃତ୍ୟୁ ଖବର ସାମ୍ନାକୁ ଆସିଛି । ନଦୀରୁ ବେଆଇନ ଭାବେ ବାଲି ଉଠାଣରେ ବ୍ୟବହୃତ ହେଉଥିବା ଏହି ଡାଙ୍ଗାର ରୋଷେଇ ଚାଲିଥିବା ବେଳେ ଗ୍ୟାସ ସିଲିଣ୍ଡରରେ ବିସ୍ଫୋରଣ ଘଟିଛି । ଦୁର୍ଘଟଣା ପରେ ସ୍ଥାନୀୟ ପୋଲିସ ଓ ପ୍ରାଶାସନିକ ଅଧିକାରୀ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
ପ୍ରାଥମିକ ଭାବେ ମିଳିଥିବା ସୂଚନା ଅନୁସାରେ, ଉକ୍ତ ବାଲିଘାଟରେ ଦୀର୍ଘଦିନ ହେବ ବେଇଆନ ଭାବେ ଡଙ୍ଗାରେ ବାଲି ଉଠାଣ ଓ ଚାଲାଣ ହେଇଆସୁଥିଲା । ତେବେ ଆଜି ଏକ ବାଲି ବୋଝେଇ ଡଙ୍ଗା ମଝି ନଦୀରେ ଯାତ୍ରା କରୁଥିବା ବେଳେ ହଠାତ ସେଥିରେ ରୋଷେଇ ପାଇଁ ରଖାଯାଇଥିବା ସିଲିଣ୍ଡରରେ ବିସ୍ଫୋରଣ ହୋଇଥିଲା । ଏହି ଡଙ୍ଗାରେ ପ୍ରାୟ ୨୦ କିମ୍ବା ତଦୁର୍ଦ୍ଦ୍ବ ଶ୍ରମିକ କାର୍ଯ୍ୟରତ ଥିବା ଅନୁମାନ କରାଯାଉଛି । ୫ ଜଣଙ୍କ ମୃତ୍ୟୁ ସ୍ପଷ୍ଟ ହୋଇଥିବା ବେଳେ ଅନ୍ୟ କିଛି ମଧ୍ୟ ଗୁରୁତର ହୋଇଥିବା ସୂଚନା ମିଳିଛି ।
