ବଢ଼ିଲା ଔଷଧ ଦାମ୍ : ଲୋକଙ୍କୁ ଲାଗିଛି ଝଟକା
ଦେଶରେ ଆଜିଠୁ ଅନେକ ନିୟମରେ ପରିବର୍ତ୍ତନ ହେବା ସହ ଅନେକ ସାମଗ୍ରୀର ଦାମରେ ବଡ ପରିବର୍ତ୍ତନ ଦେଖିବାକୁ ମିଲିଛି । କାହାର ଦାମ୍ ବଢୁଛି ତ ଆଉ କାହାର ଦାମ୍ କମିଛି । ୧ ଏପ୍ରିଲରୁ ମଦ ମହଙ୍ଗା ହେବାବେଳେ ରୋଷେଇ ଗ୍ୟାସ୍ ସିଲିଣ୍ଡର ଶସ୍ତା ହୋଇଛି । ଅନ୍ୟପଟେ ଔଷଧ ଦାମ୍ ବଢିବାରୁ ଲୋକଙ୍କୁ ଝଟକା ଲାଗିଛି ।
ଅତ୍ୟାବଶ୍ୟକ ଔଷଧ ପାଇଁ ବାର୍ଷିକ ସର୍ବାଧିକ ମୂଲ୍ୟ ବୃଦ୍ଧି କରିବାକୁ ସରକାର ସ୍ଥିର କରିଛନ୍ତି । ଏପ୍ରିଲ ୧ ରୁ ୫୦୦ରୁ ଅଧିକ ଔଷଧର ମୂଲ୍ୟ ୧୨% ବୃଦ୍ଧି ପାଇବ ବୋଲି ଆଶା କରାଯାଉଛି ।ଏହି ବୃଦ୍ଧି ମୁଖ୍ୟତ ହୋଲସେଲ ମୂଲ୍ୟ ସୂଚକାଙ୍କ (ଡଚଓ) ରେ ଉଲ୍ଲେଖନୀୟ ବୃଦ୍ଧି ହେତୁ ହୋଇଛି, ଯାହା ଜାନୁୟାରୀ ୨୦୨୩ ରୁ ଚଳିତ ବର୍ଷ ମଧ୍ୟରେ ୧୨.୧୨ ପ୍ରତିଶତରେ ପହଞ୍ଚିଛି । ଏହି ଅତ୍ୟାବଶ୍ୟକ ଔଷଧ ଭାବେ ଜଣାଶୁଣା, ବିଭିନ୍ନ ସରକାରୀ ସୱାସ୍ଥ୍ୟ କାର୍ଯ୍ୟକ୍ରମରେ ଏକ ପ୍ରମୁଖ ଭୂମିକା ଗ୍ରହଣ କରିଥାଏ ଏବଂ ସିଧାସଳଖ ଖୁଚୁରା ଗ୍ରାହକଙ୍କୁ ବିକ୍ରି କରାଯାଏ ।
ବାଣିଜ୍ୟ ଏବଂ ଉଦ୍ୟୋଗ ମନ୍ତ୍ରଣାଳୟର ଅର୍ଥନୈତିକ ପରାମର୍ଶଦାତାଙ୍କ କାର୍ଯ୍ୟାଳୟରୁ ମିଳିଥିବା ତଥ୍ୟକୁ ଦର୍ଶାଇ ଜାତୀୟ ଫାର୍ମାସ୍ୟୁଟିକାଲ ପ୍ରାଇସିଂ ଅଥରିଟିର ଅଧିକାରୀମାନେ WPI ର ତୀବ୍ର ବୃଦ୍ଧି ନିଶ୍ଚିତ କରିଛନ୍ତି । କ୍ରମାଗତ ଦ୍ୱିତୀୟ ବର୍ଷ ପାଇଁ ଅତ୍ୟାବଶ୍ୟକ ଔଷଧର ମୂଲ୍ୟ ୧୦ପ୍ରତିଶତରୁ ଅଧିକ ବୃଦ୍ଧି କରିବାକୁ ସ୍ଥିର ହୋଇଛି । ଗତ ବର୍ଷ ଏହି ଔଷଧର ମୂଲ୍ୟରେ ପ୍ରାୟ ୧୧ ପ୍ରତିଶତ ବୃଦ୍ଧି ପାଇଥିଲା ।
