ମଧ୍ୟପ୍ରଦେଶ ସରକାରୀ କର୍ମଚାରୀଙ୍କ ମହଙ୍ଗା ଭତ୍ତା ବଢ଼ିଲା
ମଧ୍ୟପ୍ରଦେଶ: ପୁଣି ବଢ଼ିବ ସରକାରୀ କର୍ମଚାରୀଙ୍କ ଦରମା । ମଧ୍ୟପ୍ରଦେଶ ସରକାର ସରକାରୀ କର୍ମଚାରୀଙ୍କ ଦରମା ପୁଣି ବୃଦ୍ଧି କରିବା ନେଇ ଘୋଷଣା କରିଛନ୍ତି । ଯାହାଦ୍ୱାରା ମଧ୍ୟପ୍ରଦେଣ ସରକାରୀ କର୍ମଚାରୀ ମାନେ ଉପକୃତ ହୋଇପାରିବେ । ବର୍ଦ୍ଧିତ ପ୍ରିୟତା ଭତ୍ତା ଏହି ମାସ ଅର୍ଥାତ୍ ଅଗଷ୍ଟ ପହିଲାରୁ କାର୍ଯ୍ୟକାରୀ କରାଯିବା ନେଇ କୁହାଯାଇଛି । ପୂର୍ବରୁ ମଧ୍ୟ ମଧ୍ୟପ୍ରଦେଶ ସରକାର ଏପ୍ରିଲ ମାସରେ କର୍ମଚାରୀଙ୍କ ଦରମା ବୃଦ୍ଧି କରିଥିଲେ ।
ବର୍ତ୍ତମାନ ପୁଣି ଥରେ ଦରମା ବୃଦ୍ଧି କରିବାକୁ ଘୋଷଣା କରାଯାଇଛି । ଯେଉଁଥିପାଇଁ ସରକାରୀ କର୍ମଚାରୀମାନଙ୍କ ମଧ୍ୟରେ ଖୁସି ଦେଖିବାକୁ ମିଳିଛି । ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ କହିଛନ୍ତି ଯେ, ବର୍ତ୍ତମାନ ରାଜ୍ୟର ସରକାରୀ କର୍ମଚାରୀମାନେ ୩୧ ପ୍ରତିଶତ ପ୍ରିୟତା ଭତ୍ତା ପାଉଛନ୍ତି । ହେଲେ ବର୍ତ୍ତମାନ ୩୪ ପ୍ରତିଶତ ପ୍ରିୟତା ଭତ୍ତା ଦେବାକୁ ନିଷ୍ପତ୍ତି ନିଆଯାଇଛି ।
