ସଂସଦର ଶୀତକାଳୀନ ଅଧିବେଶନ ଡିସେମ୍ବର ଦ୍ୱିତୀୟ ସପ୍ତାହରେ ଆରମ୍ଭ ହୋଇପାରେ
ସଂସଦର ଶୀତକାଳୀନ ଅଧିବେଶନ ଡିସେମ୍ବର ଦ୍ୱିତୀୟ ସପ୍ତାହରେ ଆରମ୍ଭ ହୋଇପାରେ ଏବଂ ଡିସେମ୍ବର ୨୫ ଖ୍ରୀଷ୍ଟମାସ ପୂର୍ବରୁ ଏହା ସମାପ୍ତ ହୋଇପାରେ। ନ୍ୟୁଜ୍ ଏଜେନ୍ସି ପିଟିଆଇ ସୂତ୍ରରୁ ଏହା ଜଣାପଡ଼ିଛି।
ସୂତ୍ରରୁ ପ୍ରକାଶ ଯେ ଡିସେମ୍ବର ୩ରେ ପାଞ୍ଚ ରାଜ୍ୟ ତେଲେଙ୍ଗାନା, ରାଜସ୍ଥାନ, ଛତିଶଗଡ, ମିଜୋରାମ ଏବଂ ମଧ୍ୟପ୍ରଦେଶରେ ବିଧାନସଭା ନିର୍ବାଚନର ଫଳାଫଳ ଆସିବ। ମତଗଣନାର କିଛି ଦିନ ପରେ ଅଧିବେଶନ ଆରମ୍ଭ ହେବାର ସମ୍ଭାବନା ରହିଛି।
ପ୍ରମୁଖ ଆପରାଧିକ ଆଇନ ସ୍ଥାନରେ ଅଣାଯାଇଥିବା ୩ ପ୍ରମୁଖ ବିଲ୍ ଉପରେ ଅଧିବେଶନରେ ବିଚାର କରାଯିବାର ସମ୍ଭାବନା ରହିଛି। ଗୃହ ବିଭାଗର ସ୍ଥାୟୀ କମିଟି ନିକଟରେ ୩ଟି ବିଲ୍ ଉପରେ ନିଜର ରିପୋର୍ଟକୁ ଗ୍ରହଣ କରିଛି।
ସଂସଦରେ ବିଚାରାଧୀନ ଥିବା ଅନ୍ୟ ଏକ ପ୍ରମୁଖ ବିଲ୍ ମୁଖ୍ୟ ନିର୍ବାଚନ କମିଶନର ଏବଂ ନିର୍ବାଚନ କମିଶନରଙ୍କ ନିଯୁକ୍ତି ସହ ଜଡିତ ଅଛି। ଏହି ବିଲ୍ ମାଧ୍ୟମରେ ସରକାର ମୁଖ୍ୟ ନିର୍ବାଚନ କମିଶନର ଏବଂ ନିର୍ବାଚନ କମିଶନରଙ୍କ ମାନ୍ୟତାକୁ କ୍ୟାବିନେଟ ସଚିବଙ୍କ ବରାବର ଆଣିବାକୁ ଚାହୁଁଛନ୍ତି।
ସଂସଦର ଶୀତକାଳୀନ ଅଧିବେଶନ ସାଧାରଣତଃ ନଭେମ୍ବର ତୃତୀୟ ସପ୍ତାହରେ ଆରମ୍ଭ ହୋଇଥାଏ ଏବଂ ଏହା ଖ୍ରୀଷ୍ଟମାସ ପୂର୍ବରୁ ସମାପ୍ତ ହୋଇଥାଏ। କିନ୍ତୁ ଏଥର ଅଧିବେଶନକୁ ନେଇ କୌଣସି ସରକାରୀ ଘୋଷଣା କରାଯାଇ ନାହିଁ।
