ବିଦେଶୀ ଛାତ୍ରଙ୍କ ସକାଶେ ବଳକା ଆସନ ରଖିବା ନିଷ୍ପତ୍ତିକୁ ୟୁଜିସିର ଅନୁମୋଦନ
ଭାରତର ଉଚ୍ଚଶିକ୍ଷା ପ୍ରତିଷ୍ଠାନ ଗୁଡ଼ିକରେ ସ୍ନାତକ ଓ ସ୍ନାତକୋତ୍ତର ପାଠ୍ୟକ୍ରମ ପାଇଁ ବିଦେଶୀ ଛାତ୍ରଛାତ୍ରୀମାନଙ୍କ ସକାଶେ ନାମଲେଖା ଓ ବଳକା ଆସନ ରଖିବା ସଂକ୍ରାନ୍ତ ନିର୍ଦ୍ଦେଶାବଳୀକୁ ବିଶ୍ୱବିଦ୍ୟାଳୟ ମଞ୍ଜୁରୀ କମିସନ ଅନୁମୋଦନ କରିଛନ୍ତି। ବିଶ୍ୱବିଦ୍ୟାଳୟ ମଞ୍ଜୁରୀ କମିସନ ୫୬୦ତମ ବୈଠକ ଗତ ୧୮ ତାରିଖରେ ବସିଥିବା ବେଳେ ଏହି ନିଷ୍ପତ୍ତି ନିଆଯାଇଛି। ୟୁଜିସି ଅଧ୍ୟକ୍ଷ ପ୍ରଫେସର ଏମ୍. ଜଗଦେଶ କୁମାର କହିଛନ୍ତି, ଉଚ୍ଚଶିକ୍ଷା କ୍ଷେତ୍ରରେ ଅନ୍ତର୍ଜାତୀୟକରଣ ୨୦୨୦ ଜାତୀୟ ଶିକ୍ଷା ନୀତିରେ ଏକ ଗୁରୁତ୍ୱପୂର୍ଣ୍ଣ ଦିଗ ବୋଲି ବିବେଚନା କରାଯାଉଛି।
ଏହାଦ୍ୱାରା ଅନ୍ତର୍ଜାତୀୟ ଓ ଆନ୍ତଃ ସାଂସ୍କୃତିକ ଦିଗଗୁଡ଼ିକୁ ଉଚ୍ଚଶିକ୍ଷା କ୍ଷେତ୍ରରେ ସମ୍ମିଳିତ କରାଯାଇପାରିବ। ଟ୍ୱିଟ୍ କରି ପ୍ରଫେସର କୁମାର କହିଛନ୍ତି ଉଚ୍ଚଶିକ୍ଷା ପ୍ରତିଷ୍ଠାନ ଗୁଡ଼ିକରେ ଗବେଷଣା ଗବେଷଣା ଉନ୍ନୟନ ସେଲ୍ ସ୍ଥାପନ ଦ୍ୱାରା ଆତ୍ମନିର୍ଭର ଭାରତ ଲକ୍ଷ୍ୟ ହାସଲ ହୋଇପାରିବ।
