![](https://abhigam.com/wp-content/uploads/2022/07/mumbai-rain-780x470.webp)
ବର୍ଷା ବିତ୍ପାତ: ମହାରାଷ୍ଟ୍ରରେ ୯୯ ମୃତ, ଗୁଜରାଟର ଅନେକ ସ୍ଥାନରେ ରେଡ ଆଲର୍ଟ
ନୂଆଦିଲ୍ଲୀ : ଦେଶର ଅଧିକାଂଶ ସ୍ଥାନରେ ଲଗାତାର ବର୍ଷା ଜାରି ରହିଛି। ଫଳରେ ଅନେକ ସ୍ଥାନ ଜଳାର୍ଣ୍ଣବ ହେବା ଫଳରେ ଜନଜୀବନ ଅସ୍ତବ୍ୟସ୍ତ ହୋଇ ପଡିଛି। ଗୁଜରାଟର ଅନେକ ଅଞ୍ଚଳ ଭୀଷଣ ବନ୍ୟାର କବଳରେ ଆସିଛି। ଏଠାକାର ୮ଟି ଜିଲାରେ ବର୍ଷା ପାଇଁ ରେଡ୍ ଆଲର୍ଟ ଜାରି କରାଯାଇଛି। ମହାରାଷ୍ଟ୍ରରେ ବର୍ଷା କାରଣରୁ ସମସ୍ତ ନଦୀରେ ଜଳସ୍ତର ବଢିବାକୁ ଲାଗିଛି। ମୁମ୍ବଇ ଆଡକୁ ଯାଉଥିବା ଜାତୀୟ ରାଜପଥକୁ ବନ୍ଦ ରଖାଯାଇଛି।
ଗୁଜରାଟରେ ପ୍ରବଳ ବର୍ଷା ଓ ବନ୍ୟାକୁ ସ୍ଥିତିକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଗୃହମନ୍ତ୍ରୀ ଅମିତ ଶାହା ଲଗାତାର ନଜର ରଖିଛନ୍ତି। ପ୍ରଶାସନ ପକ୍ଷରୁ ମିଳିଥିବା ସୂଚନାନୁଯାୟୀ, ବାୟୁ ସେନା ପକ୍ଷରୁ ୨ଟି ହେଲିକପ୍ଟର, ଏନଡିଆରଏଫ ଟିମ୍ ଆଜି ସକାଳ ଠାରୁ ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି। ମହାରାଷ୍ଟ୍ରର ପାଲଘର, ପୁଣେ ତଥା ସତାରାରେ ଅରେଞ୍ଜ ୱାର୍ଣ୍ଣିଂ ଜାରି କରାଯାଇଛି। ଏହାସହ ପାଣିପାଗ ବିଭାଗ ମୁମ୍ବଇ, ଠାଣେ, ରାୟଗଡ, ରତ୍ନଗିରି, ସିନ୍ଧୁଦୁର୍ଗ, ନାସିକ, କୋହ୍ଲାପୁର, ଅକୋଲା, ଅମରାବତୀ, ଭଣ୍ଡାରା, ବୁଲଦାଣା, ଅମରାବତୀ, ଚନ୍ଦ୍ରପୁର , ନାଗପୁର ଆଦି ସ୍ଥାନରେ ବର୍ଷା ପାଇଁ ୟୋଲୋ ୱାର୍ଣ୍ଣିଂ ଜାରି କରାଯାଇଛି।
ମହାରାଷ୍ଟ୍ରରେ ପ୍ରବଳ ବର୍ଷା କାରଣରୁ ବିଳମ୍ବିତ ରାତିରେ ୪ ଜଣଙ୍କ ମୃତ୍ୟୁ ଘଟିଛି। ଜରୁରୀ କାଳୀନ ପରିସ୍ଥିତି ପାଇଁ ବର୍ଷା ଓ ବନ୍ୟା ପାଇଁ ଏଯାଏଁ ୯୯ ଜଣଙ୍କ ମୃତ୍ୟୁ ଘଟିଛି। ଲୋକଙ୍କୁ ସୁରକ୍ଷତି ଭାବେ ଉଦ୍ଧାର କରିବା ପାଇଁ ଏନଡିଆରଏଫ ଟିମ୍ ୧୪ଟି ଟିମ୍ ଉଦ୍ଧାର କାର୍ଯ୍ୟ ଜାରି କରିଛନ୍ତି। ଏଯାଏଁ ୭,୯୬୩ ଲୋକଙ୍କୁ ସୁରକ୍ଷିତ ସ୍ଥାନରେ ପହଞ୍ଚାଇ ଦିଆଯାଇଛି।