କଟକ ନିଆଳିରେ ପୁଣି ଅଜଣା ଜନ୍ତୁ ଆତଙ୍କ

କଟକ: କଟକ ନିଆଳିରେ ପୁଣି ଅଜଣା ଜନ୍ତୁ ଆତଙ୍କ । ଗୋଟିଏ ବାଛୁରୀ ସହ ସାତଟି ମେଣ୍ଢାକୁ ଖାଇଲା ଅଜଣା ଜନ୍ତୁ । ଅଢେଇ ମାସର ବାଛୁରୀକୁ ଅତି ନୃଶଂସ ଭାବେ ଅଜଣା ଜନ୍ତୁ ଖାଇଦେଇଛି । ନିଆଳି ବ୍ଲକ ଓଳାଂଶ ଗାଁର ନିକୁଞ୍ଜ ବିହାରୀ ସାହୁଙ୍କ ଗୁହାଳରେ ଘଟିଛି ଏହି ଅଘଟଣ ।

ରାତି ଦୁଇଟାରେ ନିକୁଞ୍ଜ ଗୁହାଳକୁ ଆସିଥିଲେ କିଛି ଅଘଟଣ ଘଟିନଥିଲା । କିନ୍ତୁ ସକାଳୁ ବାଛୁରୀ ମରି ପଡ଼ିଥିବା ଦେଖିବାକୁ ସେ ପାଇଥିଲେ । ସେହିପରି ନିଆଳି ପଞ୍ଚାୟତର ମୃତ୍ୟୁଞ୍ଜୟ ସେଠୀଙ୍କ ଗୁହାଳରୁ 7ଟି ମେଣ୍ଢା ଅଜଣା ଜନ୍ତୁ ମାରିଥିବା ଅଭିଯୋଗ ହୋଇଛି । ନିଆଳି ପଶୁ ଚିକିତ୍ସକ ଏବଂ ଫରେଷ୍ଟର ପହଞ୍ଚି ଅଧିକ ତଦନ୍ତ ଚଳାଇଛନ୍ତି ।