ସମ୍ପତ୍ତି ତାଲିକା ଦାଖଲ ନ କଲେ ବନ୍ଦ ହେବ ଦରମା
ଭୁବନେଶ୍ୱର: ବାବୁ ଦେବେ ସମ୍ପତ୍ତି ତାଲିକା । ନ ହେଲେ ବନ୍ଦ ହେବ ଦରମା । ବାର୍ଷିକ ସମ୍ପତ୍ତି ତାଲିକା ଦେବାକୁ କୃଷି ବିଭାଗର ସମସ୍ତ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି ପ୍ରମୁଖ ସଚିବ । ଯେଉଁ ଅଧିକାରୀ ବାର୍ଷିକ ସମ୍ପତ୍ତି ତାଲିକା ଦେବେ ନାହିଁ ସେମାନେ ଆସନ୍ତା ଫେବ୍ରୁଆରୀ ମାସରୁ ପାଇବେ ନାହିଁ ଦରମା । କୃଷି ବିଭାଗର ପ୍ରମୁଖ ସଚିବ ଅରବିନ୍ଦ ପାଢ଼ୀଙ୍କ ଏଭଳି ନିର୍ଦ୍ଦେଶନାମା ଅଧିକାରୀମାନଙ୍କୁ ହରଡ଼ଘଣାରେ ପକାଇଛି ।
ସମ୍ପତ୍ତି ତାଲିକା ଦାଖଲ ନ କଲେ, ଦରମା ବନ୍ଦ ।
Principal Secretary has directed ALL officials of the Department to file Annual Property Statements on time. Salaries of defaulting persons would not be drawn from February 2023 till they comply the Govt instructions, the Directive says. pic.twitter.com/Xy2uCt23xk
— Krushibibhaga_Odisha (@krushibibhag) January 9, 2023
ସାଧାରଣ ପ୍ରଶାସନ ଓ ଅଭିଯୋଗ ବିଭାଗ ପକ୍ଷରୁ ୨୦୨୨ ଡିସେମ୍ବର ୩୧ରେ ଜାରି ଚିଠି ନମ୍ବର ୨୪୩୬ରେ ସମସ୍ତ ଅଧିକାରୀଙ୍କ ସମ୍ପତ୍ତି ତାଲିକା ଦାଖଲ ପାଇଁ କୁହା ଯାଇଥିଲା । ୨୦୨୩ ଜାନୁଆରୀ ୩୧ ସୁଦ୍ଧା HRMS ପୋର୍ଟାଲରେ ବାର୍ଷିକ ସମ୍ପତ୍ତି ବିବରଣୀ ଦାଖଲ ପାଇଁ ନିର୍ଦ୍ଦେଶ ରହିଛି । ଆଉ ଯାହାର ଖିଲାପ କଲେ ସମ୍ପତ୍ତି ତାଲିକା ନଦେବା ପର୍ଯ୍ୟନ୍ତ ଦରମା ମିଳିବ ନାହିଁ ।
