ଆଇପିଏଲ ୨୦୨୩ ସିଜନରେ ଇମ୍ପ୍ୟାକ୍ଟ ପ୍ଲେୟାର୍ସଙ୍କ ପାଇଁ ବିସିସିଆଇ ଲାଗୁ କରିବାକୁ ଯାଉଛି ନୂଆ ନିୟମ
ଏକ ସୂଚନା ମୁତାବକ, ଇମ୍ପ୍ୟାକ୍ଟ ପ୍ଲେୟାର କେବଳ ଭାରତୀୟ ଖେଳାଳି ବ୍ୟବହୃତ ହୋଇପାରିବେ ବୋଲି ବିସିସିଆଇ ଫ୍ରାଞ୍ଚାଇଜମାନଙ୍କୁ ସିଧାସଳଖ କହିଥିବା ଜଣାପଡ଼ିଛି । ଯେ ପର୍ଯ୍ୟନ୍ତ କୌଣସି ଫ୍ରାଞ୍ଚାଇଜ ଟିମରେ ୪ରୁ କମ ବିଦେଶୀ ଖେଳାଳିଙ୍କୁ ପ୍ଲେଇଂ-୧୧ରେ ସାମିଲ କରାଯାଇନାହିଁ ସେ ପର୍ଯ୍ୟନ୍ତ ଏହି ନିୟମ ଲାଗୁ ହେବ ।
ଆଇପିଏଲ ନିୟମ ମୁତାବକ, କୌଣସି ଫ୍ରାଞ୍ଚାଇଜରେ ପ୍ଲେଇଂ-୧୧ରେ ଅତିବେଶିରେ ୪ ବିଦେଶୀ ଖେଳାଳି ରହିପାରିବେ । ଯଦି କୌଣସି ଫ୍ରାଞ୍ଚାଇଜ ୪ରୁ କମ୍ ବିଦେଶୀ ଖେଳାଳି ସହିତ ପ୍ଲେଇଂ-୧୧ ଘୋଷଣା କରେ, ତେବେ ଇମ୍ପ୍ୟାକ୍ଟ ଖେଳାଳି ଭାବେ କୌଣସି ବିଦେଶୀ ଖେଳାଳିଙ୍କୁ ବଛା ଯାଇ ପାରିବ । ଏଭଳି ସ୍ଥିତିରେ ଆଇପିଏଲ ମୈଦାନରେ କୌଣସି ଟିମ ପାଇଁ ୪ରୁ ଅଧିକ ବିଦେଶୀ ଖେଳାଳି ଏକସଙ୍ଗେ ଖେଳି ପାରିବେ ନାହିଁ । ଟିମର ଅଧିନାୟକ ଇମ୍ପ୍ୟାକ୍ଟ ଖେଳାଳିଙ୍କ ନିଷ୍ପତ୍ତି ନେବେ । ଇମ୍ପ୍ୟାକ୍ଟ ଖେଳାଳିଙ୍କୁ ଇନିଂସ ଆରମ୍ଭ ପୂର୍ବରୁ ବା ପୁଣି ଏକ ଓଭର ସମାପ୍ତ ହେବା ପରେ ନିଆଯାଇ ପାରିବ । ଇମ୍ପାକ୍ଟ ପ୍ଲେୟାର ଟିମର କ୍ୟାପ୍ଟେନ ହୋଇପାରିବେ ନାହିଁ ।
