ଆହତ ହୋଇଥିବାରୁ କମନ୍ ଓ୍ୱେଲ୍ଥ୍ ଗେମ୍ସ୍ରେ ଭାଗ ନେବେନି ନୀରଜ ଚୋପ୍ରା
ନୂଆଦିଲ୍ଲୀ:ଆହତ ହୋଇଥିବା ଯୋଗୁଁ ନୀରଜ ଚୋପ୍ରା କମନ୍ ଓ୍ୱେଲ୍ଥ ଗେମ୍ସ୍ରେ ଅଂଶଗ୍ରହଣ କରିବେ ନାହିଁ ବୋଲି ସୂଚନା ମିଳିଛି ।ଏହି ଇଭେଣ୍ଟରେ ନୀରଜ ଚୋପ୍ରାଙ୍କ ଠାରୁ ଜାଭେଲିନ୍ ଥ୍ରୋରେ ଏକ ସ୍ୱର୍ଣ୍ଣ ପଦକ ଆଶା କରାଯାଉଥିଲା ।
ପ୍ରଧାନମନ୍ତ୍ରୀ ମୋଦୀ ମଧ୍ୟ ନୀରଜଙ୍କ ଠାରୁ ସ୍ୱର୍ଣ୍ଣ ପଦକ ଆଶା କରିଥିଲେ । କମନ୍ ଓ୍ୱେଲ୍ଥ ଯାଉଥିବା ଟିମ୍ ସହ ଡିଜିଟାଲ୍ ମୋଡ୍ ବା ଭର୍ଚୁଆଲ୍ ମୋଡ୍ରେ ପ୍ରଧାନମନ୍ତ୍ରୀ କଥାବାର୍ତ୍ତା କରିଥିଲେ ।
ଜୁଲାଇ ୨୦ ତାରିଖରେ ପ୍ରଧାନମନ୍ତ୍ରୀ ମୋଦୀ କମନ୍ ଓ୍ୱେଲ୍ଥ ଯିବାକୁ ଥିବା ଟିମ୍ ସହ ଭର୍ଚୁଆଲ୍ ମୋଡ୍ରେ କଥାବାର୍ତ୍ତା କରିଥିଲେ । ସାରା ଦୁନିଆଁକୁ ନିଜର ପ୍ରତିଭା ଦେଖାଇବା ପାଇଁ କମନ୍ ଓ୍ୱେଲ୍ଥ ଗେମ୍ ଏକ ଭଲ ପ୍ଲାଟଫର୍ମ ବୋଲି ସେ କହିଥିଲେ । ଏହି ଅବସରରେ କମନ୍ ଓ୍ୱେଲ୍ଥ ଗେମସ୍ରେ ସବୁଠାରୁ ଅଧିକ ଆଶା ନୀରଜ ଚୋପ୍ରାଙ୍କ ଠାରୁ ଅଛି ବୋଲି ସେ କହିଥିଲେ ।
ମାତ୍ର ବିଶ୍ୱ ଆଥଲେଟିକ୍ ମିଟ୍ ସମୟରେ ନୀରଜଙ୍କର ଜଙ୍ଘରେ ସମସ୍ୟା ଦେଖା ଦେଇଛି । ଏ ବିଷୟରେ ସେ ଭାରତୀୟ ଅଲିମ୍ପିକ୍ସ୍ ଆସୋସିଏସନ୍କୁ ସୂଚନା ଦେଇଛନ୍ତି । ଏହି ଆଘାତ କାରଣରୁ ତାଙ୍କୁ କମନ୍ ଓ୍ୱେଲ୍ଥ ଗେମସ୍ରେ ବାଦ୍ ଦିଆଯାଇଥିବା ଭାରତୀୟ ଅଲିମ୍ପିକ୍ସ ଆସୋସିଏସନ୍ ପକ୍ଷରୁ ସୂଚନା ଦିଆଯାଇଛି । ୨୦୧୮ ମସିହାରେ ମଧ୍ୟ ନୀରଜ ଚୋପ୍ରା ଏହି ଇଭେଣ୍ଟ୍ରେ ସ୍ୱର୍ଣ୍ଣପଦକ ଜିତିଥିଲେ ।
