![](https://abhigam.com/wp-content/uploads/2023/01/china-accident.jpg)
ଚୀନରେ ବଡ଼ ଧରଣର ଦୁର୍ଘଟଣା: ୧୭ଜଣଙ୍କ ମୃତ୍ୟୁ, ୨୨ଜଣ ଗୁରୁତର
ବେଜିଂ: ଚୀନ ଜିଆଙ୍ଗସି ରାଜ୍ୟରେ ଏକ ବଡ଼ ଧରଣର ଦୁର୍ଘଟଣା ହୋଇଛି । ନାନଞ୍ଚାଙ୍ଗ କାଉଣ୍ଟି ଠାରେ ଗାଡ଼ିକୁ ଗାଡ଼ି ଧକ୍କା ଦେବା ଫଳରେ ଏହି ଦୁର୍ଘଟଣା ହୋଇଥିବା ଜଣାପଡ଼ିଛି । ଏଥିରେ ୧୭ଜଣଙ୍କ ମୃତ୍ୟୁ ହୋଇଛି । ୨୨ଜଣ ଗୁରୁତର ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି ।
ଦୁର୍ଘଟଣାର କାରଣ ଜଣାପଡ଼ିନଥିବା ବେଳେ ପ୍ରବଳ କୁହୁଡି ଯୋଗୁଁ ଦୁର୍ଘଟଣା ଘଟିଥାଇପାରେ ବୋଲି କୁହାଯାଉଛି । ଚୀନର ଗଣମାଧ୍ୟମ ସୂଚନା ଅନୁସାରେ ନାନଞ୍ଚାଙ୍ଗ କାଉଣ୍ଟି ଟ୍ରାଫିକ୍ ପକ୍ଷରୁ ସୁରକ୍ଷିତ ଡ୍ରାଇଭିଂ ପାଇଁ ନିର୍ଦେଶ ଜାରି କରାଯାଇଛି । କୁହୁଡ଼ିରେ ଗାଡ଼ି ଚଳାଚଳ ପାଇଁ ଫଗ୍ ଲାଇଡ୍ ଦେଖି ଯାତାୟାତ କରିବାକୁ କୁହାଯାଇଛି । ତାହା ସହ ହଠାତ୍ ରାସ୍ତା ଅତିକ୍ରମ କରିବାକୁ ବାରଣ କରାଯାଇଛି । ଦୁର୍ଘଟଣା ହେବା ନେଇ ପୁଲିସ ଖବର ପାଇବା ପରେ ଘଟଣାସ୍ଥଳରେ ପହଞ୍ଚିଛି । ସ୍ଥିତିକୁ ଅନୁଧ୍ୟାନ କରିବା ସହ ତଦନ୍ତ ଚଳାଇଛି ।