ଜାପାନରେ ସରକାର କହୁଛନ୍ତି ମଦ ପିଅ, ଅର୍ଥନୀତିକୁ ସୃଦୃଢ଼ କର
ମଦ ପିଇବାକୁ ପ୍ରୋତ୍ସାହିତ କରୁଛନ୍ତି ସରକାର । ଏଭଳି ଘଟଣା ଦେଖିବାକୁ ମିଳିଛି ଜାପାନରେ । ଯେଉଁ ଦେଶ ନିଜର ଅତ୍ୟାଧୁନିକ ବୈଷୟିକ ଜ୍ଞାନକୌଶଳ ପାଇଁ ସାରା ବିଶ୍ୱରେ ସ୍ୱତନ୍ତ୍ର ପରିଚୟ ସୃଷ୍ଟି କରିଛି, ସେହି ଦେଶ ନିଜ ଲୋକଙ୍କୁ କହୁଛି ମଦ ପିଅ । ଆଉ ଦେଶର ଅର୍ଥନୀତିକୁ ସୁଦୃଢ଼ କର । ଖାଲି ସେତିକି ନୁହେଁ ଏଥିପାଇଁ ଏକ କ୍ୟାମ୍ପେନ୍ ମଧ୍ୟ ଆରମ୍ଭ କରାଯାଇଛି । ଆଉ ଅଧିକରୁ ଅଧିକ ଲୋକଙ୍କୁ କ୍ୟାମ୍ପେନ୍ରେ ସାମିଲ ହେବା ପାଇଁ ଆହ୍ୱାନ କୁରାଯାଇଛି । କ୍ୟାମ୍ପେନ୍ର ନାଁ ରହିଛି ‘ସେକ୍ ଭିଭା’ ।
କୋଭିଡ୍ ସମୟରେ ଦେଶର ଅର୍ଥନୀତିକୁ ଏକ ଶକ୍ତ ଝଟ୍କା ଲାଗିଛି । ଏଥିରୁ ବର୍ତ୍ତିବା ପାଇଁ ଏଭଳି ପ୍ରୟାସ ଆରମ୍ଭ କରାଯାଇଥିବା କୁହାଯାଉଛି ।
୧୯୯୫ରେ ଜାପାନ ଦିନକୁ ୧୦୦ ଲିଟର ଆଲ୍କୋହଲ ବ୍ୟବହାର କରୁଥିଲେ । କିନ୍ତୁ ଏବେ ଏହା ଖସି ଆସି ୭୫ ଲିଟରରେ ପହଞ୍ଚିଲାଣି । ଏହା ଦେଶର ଅର୍ଥନୀତି ଉପରେ ଏକ ବଡ଼ ପ୍ରଭାବ ପକାଇଛି । ଅର୍ଥନୀତି ଗ୍ରାଫ୍ ଆଶାଠାରୁ ତଳକୁ ଖସିଛି । ଆଲ୍କୋହଲ ବ୍ୟବହାର ହ୍ରାସ ପାଇବାର ମୁଖ୍ୟ କାରଣ ହେଉଛି କୋଭିଡ୍ ୧୯ ବା କରୋନା ଭାଇରସ ।
ଏହି ସବୁ କାରଣରୁ ଏବେ ଜାପାନ ସରକାର ଲୋକଙ୍କୁ ଆଲକୋହଲ ବ୍ୟବହାର ପାଇଁ ପ୍ରୋତ୍ସାହିତ କରିବାକୁ ଯୋଜନା ଆରମ୍ଭ କରିଛନ୍ତି । ଯାହାଫଳରେ ଦେଶର ଅର୍ଥନୀତି ସୁଦୃଢ଼ ହୋଇପାରିବ ବା ପୁଣି ଟ୍ରାକ୍କୁ ଫେରି ପାରିବ । ବିଅର, ସ୍କଚ୍, ୱାଇନ୍, ରମ୍, ହ୍ୱିସ୍କି, ଆୱାମୋରି, ଆଦି ଆଲକୋହଲ ନେବାକୁ ସରକାର ଏକ ପ୍ରକାର ପ୍ରୋତ୍ସାହିତ କରିବା ଆରମ୍ଭ କରିଛନ୍ତି ।
ସରକାରୀ ରେଭେନ୍ୟୁ ଡିପାର୍ଟମେଣ୍ଟ ପକ୍ଷରୁ ଏକ ସ୍ୱତନ୍ତ୍ର ନୋଟିସ୍ ଜାରି କରାଯାଇଛି । ଏଥିରେ ୨୦ ରୁ ୩୯ ବର୍ଷ ବୟସ୍କଙ୍କ ପାଇଁ ଏକ ସ୍ୱତନ୍ତ୍ର ଯୋଜନା କରାଯାଇଛି । ଏହି ବର୍ଗ ନିଜ ନୂଆ ନୂଆ ବିଚାରଧାରା ବା ଉପାୟ ସରକାରଙ୍କୁ ଜଣାଇବେ ଯେ, ସରକାର କିଭଳି ଆଲ୍କୋହଲ ବ୍ୟବହାର ବୃଦ୍ଧି କରାଇପାରିବେ । ସେମାନେ ବ୍ରାଣ୍ଡ ଭ୍ୟାଲ୍ୟୁ ବୃଦ୍ଧି କରାଇବା ପାଇଁ ମଧ୍ୟ ନିଜର ମତ ଦେଇପାରିବେ ।
