ଏସସିଓରୁ ଫେରିବା ପରେ ପ୍ରଥମ ଥର ନଜର ଆସିଲେ ଚୀନ ରାଷ୍ଟ୍ରପତି, ଗୃହବନ୍ଦୀ ଖବର ଥିଲା ଗୁଜବ
ଚୀନ ରାଷ୍ଟ୍ରପତି ସି ଜିନପିଙ୍ଗ ଏସସିଓ ସମ୍ମିଳନୀରୁ ଫେରିବା ପରେ ମଙ୍ଗଳବାର ପ୍ରଥମ ଥର ପାଇଁ ସାର୍ବଜନୀନ ସ୍ଥାନରେ ନଜର ଆସିଛନ୍ତି । ଚୀନର ସରକାରୀ ଟିଭି ଅନୁସାରେ ସେପ୍ଟେମ୍ୱର ମଧ୍ୟରେ ଉଜବେକିସ୍ତାନରୁ ଫେରିବା ପରେ ଜିନପିଙ୍ଗ ପ୍ରଥମ ଥର ନଜର ଆସିଛନ୍ତି । ଆସନ୍ତା ମାସରେ କମ୍ୟୁନିଷ୍ଟ ପାର୍ଟିର ବୈଠକ ହେବ, ଯେଉଁଠି ସି ଜିନପିଙ୍ଗଙ୍କୁ ଲଗାତାର ତୃତୀୟ ଥର ପାଇଁ ରାଷ୍ଟ୍ରପତି ନିର୍ବାଚିତ କରାଯିବ । ଏହାସହ ସେ ପିଏଲଏର ଅଧ୍ୟକ୍ଷ ପଦରେ ମଧ୍ୟ ରହିବେ । ରିପୋର୍ଟ ଅନୁସାରେ, ସି ଜିନପିଙ୍ଗଙ୍କୁ ମାଓ ଜେଡୋଙ୍ଗଙ୍କ ପରେ ସବୁଠୁ ବଡ଼ ନେତାର ମାନ୍ୟତା ଦିଆଯିବା । ଏଥିରୁ ସ୍ପଷ୍ଟ ହୋଇଛି ଯେ, ସି ଜିନପିଙ୍ଗ ଚୀନର ସବୁଠୁ ଶକ୍ତିଶାଳୀ ନେତା ହୋଇଛନ୍ତି ଏବଂ ଦୀର୍ଘ ବର୍ଷ ଯାଏଁ ତାଙ୍କର ଶାସନ ଜାରି ରହିବ।
2022 9月27日 习近平主席在参观奋进新时代主体成就展时强调踔厉奋发勇毅前行团结奋斗，夺取中国特色社会主义新胜利。党和国家领导人李克强总理，政治局常委栗战书，汪洋，王沪宁，赵乐际，韩正同行参观。中央政治局委员，中央委员，国家公检法领导人，军队领导人参观。#World #China #XiJinping #CPC pic.twitter.com/s3rzSh1xoT
— long chen 陈 龙🐲🇨🇳🐲 (@HongLong_Chen) September 27, 2022
ଉଲ୍ଲେଖଯୋଗ୍ୟ ଯେ, ଏସସିଓ ବୈଠକରୁ ଫେରିବା ପରେ ସି ଜିନପିଙ୍ଗଙ୍କୁ ପିଏଲଏ ଗୃହବନ୍ଦୀ କରି ରଖିବା ନେଇ ଗୁଜବ ପ୍ରଚାର ହୋଇଥିଲା । କିନ୍ତୁ ବିଦେଶ ଗସ୍ତରୁ ଫେରିବା ପରେ ଜିନପିଙ୍ଗ ହୋମ କ୍ୱାରେନଣ୍ଟାଇନ ରହିଥିବା ଜଣାପଡିଥିଲା । କିନ୍ତୁ ତାଙ୍କୁ ଗୃହ ବନ୍ଦୀ କରି ରଖାଯାଇଥିବା ନେଇ ସୋସିଆଲ ମିଡିଆରେ ଖବର ପ୍ରଚାର ହୋଇଥିଲା । ତେବେ ସମସ୍ତଙ୍କ ଦାବି ଏବେ ଭୁଲ ପ୍ରମାଣିତ ହୋଇଛି ।
