ହୃଦଘାତ ଜନିତ ଲକ୍ଷଣ ଦେଖାଦେଲେ ଖାଆନ୍ତୁ ଏହି ଟାବଲେଟ୍

ଅନେକଥର ଲୋକଙ୍କୁ ଅନୁଭବ ବି ହୁଏନାହିଁ ଓ ହାର୍ଟ ଆଟାକର ଶିକାର ହୁଅନ୍ତି । ସାଧାରଣତଃ ଏହା ଖରାପ ଜୀବନଶୈଳୀ ଓ ଅସ୍ୱାସ୍ଥ୍ୟକର ଖାଦ୍ୟ ଯୋଗୁଁ ହୋଇଥାଏ । ଆମେ ଏପରି କିଛି ଜିନିଷକୁ ଅଣଦେଖା କରିଥାଊ, ଯାହାକି ଜୀବନ ପ୍ରତି ବିପଦ ସୃଷ୍ଟି କରିଥାଏ । କିଛି ରୋଗୀଙ୍କୁ ତ ହାର୍ଟ ଆଟାକ୍ ବିଷୟରେ ଜଣାପଡ଼ୁନାହିଁ । କିନ୍ତୁ ଯଦି ଆମେ ସତର୍କତା ଅବଲମ୍ବନ କରିବା ତେବେ ହାର୍ଟ ଆଟାକ୍ ଠାରୁ ହେବାକୁ ଥିବା ମୃତ୍ୟୁରୁ ବର୍ତ୍ତିପାରିବା । ହାର୍ଟ ଆଟାକର ଲକ୍ଷଣ ୧ ମାସ ଆଗରୁ ଜଣାପଡ଼ିବା ଆରମ୍ଭ ହୋଇଥାଏ । ଯଦି ଆପଣଙ୍କୁ ଏହି ୫ ଲକ୍ଷଣ ଦେଖାଦେଉଛି ତେବେ ସତର୍କ ହୋଇଯାଆନ୍ତୁ ଏହା ହାର୍ଟ ଆଟାକର କାରଣ ହୋଇପାରେ ଏବଂ ଆପଣଙ୍କୁ ଯଥାଶୀଘ୍ର ସ୍ୱାସ୍ଥ୍ୟ ପରୀକ୍ଷା କରାଇନେବା ଉଚିତ୍ ।

ହୃଦଘାତର ବଢୁଥିବା ମାମଲାକୁ ଦୃଷ୍ଟିରେ ରଖି ସମୟ ସମୟରେ ସତର୍କ ରହିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ କାରଣ ଟିକିଏ ଅସାବଧାନତା ଆପଣଙ୍କ ମୃତ୍ୟୁର କାରଣ ହୋଇପାରେ। ଟ୍ୱିଟରରେ ହୃଦଘାତ ମଧ୍ୟ ଟ୍ରେଣ୍ଡ କରୁଛି। ଏଭଳି ପରିସ୍ଥିତିରେ ଅନ୍ତର୍ଜାତୀୟ ଡାକ୍ତର ଏଡମଣ୍ଡ ଫର୍ଣ୍ଣାଣ୍ଡିସ୍ ଟ୍ୱିଟରରେ ହୃଦଘାତରୁ ରକ୍ଷା ପାଇବା ପାଇଁ ପରାମର୍ଶ ଦେଇଛନ୍ତି।

ହୃଦଘାତର ବିପଦକୁ ଦୃଷ୍ଟିରେ ରଖି ସେ କହିଛନ୍ତି ଯେ ସର୍ବଦା ଆସ୍ପିରିନ୍ ଟାବଲେଟ୍ ଆପଣଙ୍କ ପାଖରେ ରଖନ୍ତୁ। ଯଦି ଆପଣ ହଠାତ୍ ଛାତି, ବେକ, ବାମ ହାତରେ ଯନ୍ତ୍ରଣା ଅନୁଭବ କରୁଛନ୍ତି ତେବେ ଏହାକୁ ଶୀଘ୍ର ଖାଆନ୍ତୁ। ଛାତି ଯନ୍ତ୍ରଣାକୁ ଗ୍ୟାଷ୍ଟ୍ରିକ୍ ଯନ୍ତ୍ରଣା ଭାବି ଅବହେଳା କରନ୍ତୁ ନାହିଁ। ଯଦି ହୃଦଘାତ ପରେ ରୋଗୀଙ୍କୁ ଏହି ୩୦୦ ମିଗ୍ରା ବଟିକା ଦିଆଯାଏ, ତା’ହେଲେ ତାଙ୍କ ଜୀବନ ବଞ୍ଚିପାରେ। ଏହି ବଟିକା ସ୍ଥିତିକୁ ଟିକେ ସ୍ଥିର କରିପାରେ କିନ୍ତୁ ରୋଗୀକୁ ତୁରନ୍ତ ଡାକ୍ତରଖାନା ନେବା ଆବଶ୍ୟକ।

ହୃଦଘାତର ଲକ୍ଷଣ :-

– ଛାତିରେ ହେଉଥିବା ଯନ୍ତ୍ରଣା ଆପଣଙ୍କୁ ହାର୍ଟ ଆଟାକର ଶିକାର କରିପାରେ । ଯଦି ଆପଣଙ୍କ ଶରୀରରେ କୌଣସି ପ୍ରକାର ଯନ୍ତ୍ରଣା ଅନୁଭବ ହେଉଛି, ଛାତି ପୋଡ଼ିଲା ପରି ଅନୁଭବ ହେଉଛି ତେବେ ଏହା ମଧ୍ୟ ହାର୍ଟ ଆଟାକର ଲକ୍ଷଣ ହୋଇପାରେ, ତେଣୁ ଏହାକୁ ଅଣଦେଖା ନକରି ଡାକ୍ତରଙ୍କ ପରାମର୍ଶ କରିନିଅନ୍ତୁ ।

– ବିନା କୌଣସି କାମ ନକରି ମଧ୍ୟ ହାଲିଆ ଲାଗିବା ମଧ୍ୟ ହାର୍ଟ ଆଟାକର ଲକ୍ଷଣ ହୋଇପାରେ ।

– ଅଧିକ ସମୟ ଧରି ଥଣ୍ଡା ଲାଗି ରହିବା ମଧ୍ୟ ହାର୍ଟ ଆଟାକର ସଙ୍କେତ ହୋଇପାରେ ।

– ହାର୍ଟ ଦୁର୍ବଳ ହେବା ଯୋଗୁଁ ରକ୍ତ ସଞ୍ଚାଳନ ଠିକ୍ ଭାବରେ ହୋଇପାରେନାହିଁ । ଏମିତିରେ ମସ୍ତିଷ୍କକୁ ଠିକ୍ ଭାବରେ ଅମ୍ଳଜାନ ମିଳିପାରେନାହିଁ ଫଳରେ ମୁଣ୍ଡ ବୁଲାଇଥାଏ । ଏହା ହାର୍ଟ ଆଟାକର ଏକ ଗମ୍ଭୀର ଲକ୍ଷଣ, ତେଣୁ ଆପଣଙ୍କୁ ଏହା ଉପରେ ତୁରନ୍ତ ଧ୍ୟାନ ଦେବା ଦରକାର ।

– ଏହା ବ୍ୟତୀତ ଶ୍ୱାସକ୍ରିୟାରେ କଷ୍ଟ ଅନୁଭବ ହେବା ମଧ୍ୟ ହାର୍ଟ ଆଟାକର ଲକ୍ଷଣ ହୋଇପାରେ । ହାର୍ଟ ଠିକ୍ ଭାବରେ କାମ ନକରିପାରିବା ଯୋଗୁଁ ଫୁସଫୁସକୁ ଠିକ୍ ପରିମାଣର ଅକ୍ସିଜେନ ପହଞ୍ଚିପାରେନାହିଁ ଫଳରେ ଶ୍ୱାସକ୍ରିୟାରେ କଷ୍ଟ ଅନୁଭବ ହୋଇଥାଏ ।