ଆସନ୍ତା ଜୁନ୍ ୨୯ ତାରିଖରେ ବାବା ଅମରନାଥଙ୍କ ଯାତ୍ରା ଆରମ୍ଭ ହେବ

ବାବା ଅମରନାଥଙ୍କ ଯାତ୍ରା ଆରମ୍ଭ ହେବା ପାଇଁ ବୁଧବାର ଜାମ୍ମୁ କାଶ୍ମୀରର ରାଜଭବନରେ ରାଜ୍ୟପାଳଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ନିଷ୍ପତ୍ତି ନିଆଯାଇଛି ଯେ, ଆସନ୍ତା ଜୁନ୍ ୨୯ ତାରିଖରେ ବାବା ଅମରନାଥଙ୍କ ଯାତ୍ରା ଆରମ୍ଭ ହେବ । ଏହି ବୈଠକରେ ମଧ୍ୟ ବାବା ଅମରନାଥ ଯାତ୍ରାର ପ୍ରସ୍ତୁତି, ଯାତ୍ରାର ଅବଧି, ପଞ୍ଜୀକରଣ ଆରମ୍ଭ ସହିତ ସମସ୍ତ ପ୍ରସଙ୍ଗରେ ଆଲୋଚନା କରାଯାଇଥିଲା ।

ଏହି ଗୁମ୍ଫା ପୂରା ବରଷ ବାର ମାସ ବରଫରେ ଢାଙ୍କି ହୋଇରହିଥାଏ । ବରଫ ଟୋପା ଟୋପା ହୋଇ ପଥରରୁ ପଡି ଗୁମ୍ଫାମଧ୍ୟରେ ଗୋଟିଏ ଶିବଲିଙ୍ଗ ଆକାର ତିଆରି ହୋଇଥାଏ । ଏହି ମନ୍ଦିର ଗ୍ରୀଷ୍ମକାଳରେ ଶ୍ରଦ୍ଧାଳୁମାନଙ୍କ ପାଇଁ ଖୋଲାଯାଇଥାଏ । ସେଥିପାଇଁ ଏପ୍ରିଲ ୧୫ରୁ ବାବା ଅମରନାଥଙ୍କ ଦର୍ଶନ ପାଇଁ ପଞ୍ଜୀକରଣ ଆରମ୍ଭ ହେବ । ପ୍ରତିବର୍ଷ ଶ୍ରଦ୍ଧାଳୁମାନେ ଦୁଇ ମାସ ବାବା ଅମରନାଥଙ୍କ ଦର୍ଶନ କରିବା ପାଇଁ ସୁଯଗ ପାଆନ୍ତି । କିନ୍ତୁ ଚଳିତ ବର୍ଷ ସାଧାରଣ ନିର୍ବାଚନ ପାଇଁ ବାବା ଅମରନାଥଙ୍କୁ ଦର୍ଶନ କରିବାର ଅବଧି କମେଇ ଦିଆଯାଇଛି ।