ଆଜି ପବିତ୍ର ଜନ୍ମାଷ୍ଟମୀ: ଆପଣାନ୍ତୁ ଏହି ସରଳ ବାସ୍ତୁ ଉପାୟ

ଆଜି ହେଉଛି ପବିତ୍ର ଜନ୍ମାଷ୍ଟମୀ। ଏହି ଦିନ କିଛି ସରଳ ଉପାୟ କରିବା ଦ୍ୱାରା ପ୍ରଭୁ ଶ୍ରୀକୃଷ୍ଣଙ୍କ ବିଶେଷ କୃପା ପ୍ରାପ୍ତି ହୋଇଥାଏ। ବାସ୍ତୁ ଶାସ୍ତ୍ରରେ ଜନ୍ମାଷ୍ଟମୀ ପାଇଁ କିଛି ସରଳ ଉପାୟ ବିଷୟରେ ବର୍ଣ୍ଣନା କରାଯାଇଛି। ସେହି ଉପାୟ ଆପଣାଇବା ଦ୍ୱାରା ଜୀବନରେ ଥିବା ବାଧାବିଘ୍ନ ଦୂର ହେବା ସହ ସୁଖସମୃଦ୍ଧି, ଧନସମ୍ପତ୍ତି ବୃଦ୍ଧି ହୋଇଥାଏ। ଜାଣନ୍ତୁ..
ଯେଉଁ ଘରେ ବଂଶୀ ଥାଏ, ସେଠାରେ ପ୍ରଭୁ ଶ୍ରୀକୃଷ୍ଣଙ୍କ ସର୍ବଦା କୃପା ରହିଥାଏ। ଜନ୍ମାଷ୍ଟମୀ ଦିନ ଘରକୁ ବଂଶୀ ଆଣିବା ଦ୍ୱାରା ଶୁଭ ଫଳ ପ୍ରାପ୍ତି ହୋଇଥାଏ। ଏହି ଦିନ ଘରକୁ ବଂଶୀ ଆଣି ରାତିରେ ପ୍ରଭୁଙ୍କୁ ଅର୍ପଣ କରନ୍ତୁ। ୨ୟ ଦିନ ଏହି ବଂଶୀକୁ ଘରର ପୂର୍ବ କାନ୍ଥରେ ଲଗାନ୍ତୁ। ଏହାଦ୍ୱାରା ଘରେ ଥିବା ବାସ୍ତୁ ଦୋଷ ଦୂର ହୋଇଥାଏ।
ଘରର ମୁଖ୍ୟଦ୍ୱାରରେ ୨ଟି ବଂଶୀ ଲଗାଇବା ଦ୍ୱାରା କର୍ମକ୍ଷେତ୍ରରେ ସଫଳତା ମିଳିଥାଏ।
କାର୍ଯ୍ୟାଳୟ କିମ୍ବା ବ୍ୟବସାୟ ସ୍ଥାନରେ ମୁଖ୍ୟଦ୍ୱାରରେ ବଂଶୀ ଲଗାଇବା ଦ୍ୱାରା ଉନ୍ନତି ହୋଇଥାଏ।
ଦାମ୍ପତ୍ୟ ଜୀବନକୁ ସୁଖମୟ କରିବା ପାଇଁ ବଂଶୀରେ ଲାଲ ରଙ୍ଗର ରେଶମୀ ସୂତା ବାନ୍ଧନ୍ତୁ।
ମୟୁରପୁଚ୍ଛ ମଧ୍ୟ ପ୍ରଭୁଙ୍କୁ ଖୁବ ପ୍ରିୟ। ଘରେ ମୟୁରପୁଚ୍ଛ ରଖିବା ଦ୍ୱାରା ପରିବାର ସଦସ୍ୟଙ୍କ ମଧ୍ୟରେ ଉତ୍ତମ ବୁଝାମଣା ସହ ସୁସମ୍ପର୍କ ଓ ଭଲ ପାଇବା ରହିଥାଏ। ପରିବାରରେ ସକରାତ୍ମକ ଶକ୍ତି ପ୍ରବେଶ କରିଥାଏ।
ପିଲାମାନେ ଅଯଥାରେ ଜିଦି କରୁଥିଲେ ସେମାନଙ୍କ ବହିରେ ମୟୁରପୁଚ୍ଛ ରଖନ୍ତୁ। ଏହି ଦିନ ଘରକୁ ଶଙ୍ଖ ଆଣନ୍ତୁ।
ଭଗବାନ ଶ୍ରୀକୃଷ୍ଣଙ୍କ ପୂଜା ସମୟରେ ପୂଜାପାଠରେ ଫୁଲର ବ୍ୟବହାର କରନ୍ତୁ। ପ୍ରଭୁଙ୍କୁ ହଳଦିଆ ବସ୍ତ୍ର, ଚନ୍ଦନ ଅର୍ପଣ କରନ୍ତୁ। ପୂଜାରେ କଳାରଙ୍ଗର ବ୍ୟବହାର କରନ୍ତୁ ନାହିଁ। ହଳଦିଆ ଭୋଗ ପ୍ରଭୁଙ୍କୁ ଅର୍ପଣ କରନ୍ତୁ। ପ୍ରଭୁଙ୍କୁ ଲାଲ ରେଶମୀ ସୂତା ଅର୍ପଣ କରନ୍ତୁ। ତୁଳସୀପତ୍ର ଅର୍ପଣ କରନ୍ତୁ। ଲହୁଣୀ ଓ ମିଶ୍ରି ଅର୍ପଣ କରନ୍ତୁ। ପ୍ରଭୁଙ୍କୁ ତୁଳସୀ ଅର୍ପଣ କରନ୍ତୁ।