ପର୍ଯ୍ୟଟକଙ୍କୁ ଆକର୍ଷିତ କରିବା ପାଇଁ ଭାରତୀୟ ସହରରେ ରୋଡ୍ ସୋ ଆୟୋଜନ କରିବାକୁ ଯୋଜନା କରୁଛି ମାଲଦ୍ବୀପ
ଭାରତ ସହ କୂଟନୈତିକ ବିବାଦ ପରେ ମାଲଦ୍ୱୀପକୁ ପର୍ଯ୍ୟଟନ ପାଇଁ ଆସୁଥିବା ଭାରତୀୟ ପର୍ଯ୍ୟଟକଙ୍କ ସଂଖ୍ୟାରେ ଉଲ୍ଲେଖନୀୟ ହ୍ରାସ ଘଟିଛି । ୨୦୨୩ ମସିହାରେ ମାଲଦ୍ୱୀପ ପରିଦର୍ଶନ କରିଥିବା ୧୭ ଲକ୍ଷରୁ ଅଧିକ ପର୍ଯ୍ୟଟକଙ୍କ ମଧ୍ୟରୁ ଅଧିକାଂଶ ଭାରତୀୟ (୨୦୯୧୯୮), ଭାରତ ପରେ ରୁଷ ଏବଂ ଚାଇନିଜ୍ ଥିଲେ ।ଚୀନ୍ର କଥାରେ ପଡି ମାଲଦ୍ୱୀପ ପାଇଁ ଭାରତ ସହ ସମ୍ପର୍କ ଖରାପ କରିବା ମହଙ୍ଗା ପଡିଛି । ପରିସ୍ଥିତି ଏପରି ସ୍ତରରେ ପହଞ୍ଚିଛି ଯେ ମାଲଦ୍ୱୀପରେ ଭାରତୀୟ ପର୍ଯ୍ୟଟକଙ୍କ ଅଭାବ ହେତୁ ଏହାର ଅର୍ଥନୀତି ପ୍ରତିକୂଳ ପ୍ରଭାବିତ ହେଉଛି । ଏହି କାରଣରୁ ମାଲଦ୍ୱୀପ ବର୍ତ୍ତମାନ ଆଣ୍ଠେଇ ପଡିଛି ଏବଂ ପର୍ଯ୍ୟଟକଙ୍କୁ ଆକର୍ଷିତ କରିବା ପାଇଁ ଭାରତୀୟ ସହରରେ ରୋଡ୍ ସୋ ଆୟୋଜନ କରିବାକୁ ଯୋଜନା କରୁଛି ।
ବାସ୍ତବରେ ଦୁଇ ଦେଶ ମଧ୍ୟରେ ତିକ୍ତ କୂଟନୈତିକ ସମ୍ପର୍କ ମଧ୍ୟରେ ମାଲଦ୍ୱୀପ ଯାଉଥିବା ଭାରତୀୟ ପର୍ଯ୍ୟଟକଙ୍କ ସଂଖ୍ୟା ଉଲ୍ଲେଖନୀୟ ଭାବେ ହ୍ରାସ ପାଇବାରେ ଲାଗିଛି । ଏହି କାରଣରୁ ମାଲଦ୍ୱୀପର ଏକ ପ୍ରମୁଖ ପର୍ଯ୍ୟଟନ ସଂସ୍ଥା ଭାରତୀୟ ପର୍ଯ୍ୟଟକଙ୍କୁ ଫେରାଇବା ପାଇଁ ସେମାନେ ଭାରତୀୟ ସହରରେ ରୋଡ୍ ସୋ ଆୟୋଜନ କରିବେ ବୋଲି ଘୋଷଣା କରିଛନ୍ତି ।
