ବାରଣାସୀରୁ ପୁଣି ଲଢ଼ିବେ ମୋଦୀ
୧୯୫ ଆସନ ପାଇଁ ଟିକେଟ୍ ଘୋଷଣା କରିଛି ଭାରତୀୟ ଜନତା ପାର୍ଟି । ୧୬ଟି ରାଜ୍ୟ ଓ୨ଟି କେନ୍ଦ୍ର ଶାସିତ ଅଞ୍ଚଳ ପାଇଁ ତାଲିକା ଘୋଷଣା ହୋଇଛି । ଏହି ତାଲିକାରେ ଅଛନ୍ତି ପ୍ରଧାନମନ୍ତ୍ରୀ, ଗୃହମନ୍ତ୍ରୀ, ପ୍ରତୀରକ୍ଷା ମନ୍ତ୍ରୀଙ୍କ ସମେତ ୩୪ ମନ୍ତ୍ରୀ । ବାରାଣସୀରୁ ନିର୍ବାଚନ ଲଢିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଗାନ୍ଧୀନଗରରୁ ଗୃହମନ୍ତ୍ରୀ ଅମିତ ଶାହ, ଲକ୍ଷେ୍ମøରୁ ରାଜନାଥ ସିଂହ ନିର୍ବାଚନ ମଇଦାନକୁ ଓହ୍ଲାଇବେ । ସେହିଭଳି ଆମେଠିରୁ ପ୍ରତିଦ୍ୱନ୍ଦିତା କରିବେ ସ୍ମୃତୀ ଇରାନୀ ।
ତେବେ ବିଜେପିର ପ୍ରଥମ ତାଲିକାରେ ୪୭ ଯୁବ ପ୍ରାର୍ଥୀ ଥିବା ବେଳେ ୫୭ ଜଣଙ୍କ ଓବିସି ପ୍ରାର୍ଥୀ ଅଛନ୍ତି । ତେେ୧ ୧୯୫ ଜଣଙ୍କ ମଧ୍ୟରୁ ଜଣେ ମୁସଲିମ ପ୍ରାର୍ଥୀ ଦେଇଛି ବିଜେପି । ସେ ହେଉଛନ୍ତି କାଲିକଟ ବିଶ୍ୱବିଦ୍ୟାଳୟର ପୂର୍ବତନ କୁଳପତି ଡକ୍ଟର ଏନ ଅବଦୁଲ ସଲାମ । ତାଙ୍କୁ କେରଳ ମଲ୍ଲାପୁରମରୁ ପ୍ରାର୍ଥୀ କରିଛି ଦଳ । ଉତ୍ତରପ୍ରଦେଶ ପାଇଁ ୫୧ଟି, ପଶ୍ଚିମବଙ୍ଗ ୨୬, ମଧ୍ୟପ୍ରଦେଶ ୨୪, ଗୁଜରାଟ ୧୫, ରାଜସ୍ଥାନ ୧୫, କେରଳ ୧୨, ତେଲେଙ୍ଗାନା ୯, ଆସାମ ୧୧, ଝାଡଖଣ୍ଡ ଓ ଛତିଶଗଡ ୧୧, ଦିଲ୍ଲୀ ୫, ଉତରାଖଣ୍ଡ ୩, ଜମ୍ମୁ ୨ ଓ ଅରୁଣାଚଳ ପ୍ରଦେଶର ୨ ଆସନ ପାଇଁ ଟିକେଟ୍ ଘୋଷଣା କରିଛନ୍ତି ବିଜେପି ରାଷ୍ଟ୍ରିୟ ମହାସଚିବ ବିନୋଦ ତାୱଡେ ।
ଯୁବ ପ୍ରାର୍ଥୀଙ୍କ ମଧ୍ୟରେ ଅଛନ୍ତି ବାଂଶୁରୀ ସ୍ୱରାଜ । ଦିବଙ୍ଗତ ନେତ୍ରୀ ସୁଷମା ସ୍ୱରାଜଙ୍କ ଝିଅ ବାଂଶୁରୀଙ୍କୁ ଦିଲ୍ଲୀରୁ ଟିକେଟ୍ ଦେଇଛି ଦଳ । ସେହିଭଳି କିରଣ ରିଜିଜୁ ଅରୁଣାଚଳ ପୂର୍ବରୁ ଲଢିବା ନେଇ ସ୍ପଷ୍ଟ କରିଛି ବିଜେପି । ଟିକେଟ ପାଇଥିବା ଭଜପୁରୀ ଅଭିନେତା ରବି କିସାନ ବିଜେପି ୪୦୦ ଆସନରେ ଜିିତିବ ବୋଲି ଦାବି କରିଛନ୍ତି ।
