ରାଷ୍ଟ୍ରପତିଙ୍କୁ ନିର୍ବାଚନ ଫଳ ପ୍ରଦାନ କଲେ ନିର୍ବାଚନ କମିଶନ

ମୁଖ୍ୟ ନିର୍ବାଚନ କମିଶନର ରାଜୀବ କୁମାର, ଜ୍ଞାନେଶ କୁମାର ଏବଂ ନିର୍ବାଚନ କମିଶନର ଡ. ସୁଖବୀର ସିଂହ ସାନ୍ଧୁଙ୍କ ସହ ଆଜି ରାଷ୍ଟ୍ରପତିଙ୍କୁ ଭେଟିଥିଲେ। ୧୮ତମ ଲୋକସଭାର ସାଧାରଣ ନିର୍ବାଚନ ପରେ ଜନପ୍ରତିନିଧି ଆଇନ, ୧୯୫୧ର ଧାରା ୭୩ ଅନୁଯାୟୀ ଭାରତୀୟ ନିର୍ବାଚନ ଆୟୋଗ ଜାରି କରିଥିବା ବିଜ୍ଞପ୍ତିର ଏକ ନକଲ ସେମାନେ ରାଷ୍ଟ୍ରପତିଙ୍କୁ ପ୍ରଦାନ କରିଥିଲେ।

ମାନବ ଇତିହାସର ସର୍ବବୃହତ ଗଣତାନ୍ତ୍ରିକ ଅଭ୍ୟାସ ନିର୍ବାଚନ ପ୍ରକ୍ରିୟାସଫଳ ଭାବେ ସମ୍ପନ୍ନ ହୋଇଥିବାରୁ ରାଷ୍ଟ୍ରପତି ମୁଖ୍ୟ ନିର୍ବାଚନ କମିଶନର ଓ ନିର୍ବାଚନ କମିଶନରଙ୍କୁ ଅଭିନନ୍ଦନ ଜଣାଇଛନ୍ତି। ସମଗ୍ର ଦେଶ ତରଫରୁ ନିର୍ବାଚନ ଆୟୋଗ, ଏହାର ଅଧିକାରୀ ଓ କର୍ମଚାରୀ, ପ୍ରଚାର ଓ ମତଦାନର ପରିଚାଳନା ଓ ତଦାରଖରେ ନିୟୋଜିତ ଥିବା ଅନ୍ୟ ସରକାରୀ ଅଧିକାରୀ ଏବଂ କେନ୍ଦ୍ର ଓ ରାଜ୍ୟ ପୁଲିସ ଓ ସୁରକ୍ଷା କର୍ମୀମାନେ ଲୋକଙ୍କ ମତଦାନର ପବିତ୍ରତା ବଜାୟ ରଖିବା ଏବଂ ଏକ ଅବାଧ ଓ ନିରପେକ୍ଷ ନିର୍ବାଚନକୁ ସଫଳତାର ସହ ସମ୍ପନ୍ନ କରିବା ପାଇଁ ଅକ୍ଳାନ୍ତ ପରିଶ୍ରମ କରିଥିବାରୁ ସେ ତାଙ୍କୁ ପ୍ରଶଂସା କରିଥିଲେ। ସବୁଠାରୁ ବଡ଼ କଥା ହେଲା, ଏତେ ସଂଖ୍ୟକ ସଂଖ୍ୟାରେ ନିର୍ବାଚନ ପ୍ରକ୍ରିୟାରେ ଭାଗ ନେଇଥିବା ଲକ୍ଷ ଲକ୍ଷ ଭୋଟରଙ୍କୁ ସେ ପ୍ରଶଂସା କରିଥିଲେ। ଏହା ସମ୍ପୂର୍ଣ୍ଣ ଭାବେ ଆମ ସମ୍ବିଧାନ ଏବଂ ଭାରତର ଗଭୀର ଓ ଅତୁଟ ଗଣତାନ୍ତ୍ରିକ ପରମ୍ପରା ସହିତ ସମାନ ବୋଲି ରାଷ୍ଟ୍ରପତି କହିଛନ୍ତି।