ଟ୍ରେନ୍ ଧକ୍କାରେ ଦନ୍ତା ମୃତ
ମାଲବାହୀ ଟ୍ରେନ ଧକ୍କାରେ ଦନ୍ତା ହାତୀର ମୃତ୍ୟୁ । ରେଳଧାରଣା ପାର ହେଲା ବେଳେ ଘଟିଗଲା ଏମିତି ଏକ ଦୁର୍ଘଟଣା । ସୂଚନା ଅନୁସାରେ , ଏମିତି ଏକ ଅଭାବନୀୟ ଘଟଣା କେନ୍ଦୁଝର ଜିଲ୍ଲା ଯୋଡା ଚମ୍ପୁଆ ରେଞ୍ଜ ବାମେବାରୀ ବିଟ୍ ପଳାଶ ଗାଁ ନିକଟରେ ଘଟିଛି । ଏହି ଦୁର୍ଘଟଣା ଟି ପ୍ରାୟେ ଭୋର ସମୟରେ ହୋଇଛି । ହାତୀପଲ ଟ୍ରେନ ଲାଇନ ପାର ହେଉଥିବା ବେଳେ ଦନ୍ତାକୁ ଏକ ମାଲ ଟ୍ରେନ ଧକ୍କା ଦେଇଥିଲା । ଫଳରେ ଦନ୍ତା ହାତୀଟି ଟ୍ରେନଲାଇନ ପାର୍ଶ୍ଵରେ ଛିଟିକି ପଡିଥିଲା । ଘଟଣାସ୍ଥଳରେ ହିଁ ଦନ୍ତାହାତୀ ଟିର ମୃତ୍ୟୁ ହୋଇଥିଲା । ତେବେ ଟ୍ରେନ୍ର ଅତ୍ୟଧିକ ଗତି ଯୋଗୁଁ ଏହି ଦୁର୍ଘଟଣା ଘଟିଥିବାର ଆଶଙ୍କା କରାଯାଉଛି । ଏବେ ବନ ବିଭାଗ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
