ଶିଳ୍ପପତି ମହିମା ମିଶ୍ରଙ୍କ ଘରେ ରେଡ୍ ପରେ ୪ ଜଣଙ୍କୁ ଗିରଫ କଲା ସିବିଆଇ

କଟକ ଓଡ଼ିଆ ବଜାର ସ୍ଥିତ ମହିମା ମିଶ୍ରଙ୍କ ଘରେ ରେଡ୍ ପରେ ମହିମାଙ୍କ ବଡ଼ ପୁଅ ଚନ୍ଦନ ମିଶ୍ରଙ୍କୁ ଭୁବନେଶ୍ୱର ସିବିଆଇ କାର୍ଯ୍ୟାଳୟକୁ ଆଣି ପଚରାଉଚରା ପରେ ସିବିଆଇ ଛାଡ଼ି ଦେଇଥିଲା । ପାରାଦୀପରେ ଓଏସଏଲ, କେସିଟି ସମେତ ପାରାଦୀପ ବନ୍ଦର ଅଧିକାରୀଙ୍କୁ ସିବିଆଇ ଜେରା କରିଥିଲା । ୨୫ ଲକ୍ଷ ଟଙ୍କାର ଲାଞ୍ଚ କାରବାରକୁ ନେଇ ସିବିଆଇ ରେଡ୍ କରିବା ପରେ ଗିରଫ କରିଥିବା ସୂଚନା ମିଳିଛି ।

ପାରାଦୀପ ବନ୍ଦର ଚିଫ୍ ଇଲେକ୍ଟ୍ରିକାଲ ମେକାନିକାଲ ଇଞ୍ଜିନିୟର (ସିଇଏମଇ) ମୁଖ୍ୟ ସରୋଜ କୁମାର ଦାସ ଓ ତାଙ୍କର ଜଣେ ସହଯୋଗୀ କଣ୍ଟ୍ରାକ୍ଟ ୱାର୍କର ସୁମନ୍ତ ରାଉତଙ୍କୁ ଗୁରୁବାର ରେଡ୍ ପରେ ସିବିଆଇ ହେପାଜତକୁ ନେଇଥିଲା । ଆଜି ଗିରଫ କରିଛି । ରେଡ୍ ବେଳେ ସରୋଜ ଦାସଙ୍କ ଘରୁ ନଗଦ ୮୦ ଲକ୍ଷ ଟଙ୍କା ଓ ସୁମନ୍ତଙ୍କ ଘରୁ ୫୦ ଲକ୍ଷ ଟଙ୍କା ସିବିଆଇ ଜବତ କରିଥିବା ସୂଚନା ମିଳିଛି ।